ஆக.11-ல் சிவகார்த்திகேயனின் ‘மாவீரன்’ ரிலீஸ் - மேக்கிங் வீடியோ வெளியீடு

சிவகார்த்திகேயன் நடிக்கும் ‘மாவீரன்’ படம் ஆகஸ்ட் மாதம் 11-ம் தேதி திரைக்கு வரும் என்று தெரிவிக்கப்பட்டுள்ளது. இதனை நடிகர் சிவகார்த்திகேயன் தனது ட்விட்டர் பக்கத்தில் தெரிவித்துள்ளார்.

சிவகார்த்திகேயன், அதிதி ஷங்கர் நடிக்கும் படம், ‘மாவீரன்’. ‘மண்டேலா’ படத்தை இயக்கிய மடோன் அஸ்வின் இயக்குகிறார். இயக்குநர் மிஷ்கின் வில்லனாகவும், நடிகை சரிதா முக்கிய வேடத்திலும் நடிக்கின்றனர். இந்தப் படம் தமிழ், தெலுங்கில் பைலிங்குவல் படமாக உருவாகி வருகிறது.

தெலுங்கில் இந்தப் படத்திற்கு ‘மாவீருடு’ என தலைப்பிடப்பட்டுள்ளது. இப்படத்திற்கு 'ஆடை', 'மண்டேலா' ஆகிய படங்களுக்கு இசையமைத்த பரத் ஷங்கர் இசையமைக்கிறார். இந்த படத்தின் முதல் சிங்கில் பாடலான ‘சீன் ஆ.. சீன்..ஆ’ பிப்ரவரி மாதம் வெளியாகி ரசிகர்களிடையே கவனம் பெற்றது. இந்த நிலையில், இந்தப் படம் வரும் ஆகஸ்ட் மாதம் 11-ம் தேதி திரையரங்குகளில் வெளியாகும் என்ற தகவல் சனிக்கிழமை வெளியாகியுள்ளது.

படத்தின் வெளியீடு குறித்து நடிகர் சிவகார்த்திகேயன் தனது ட்விட்டர் பக்கத்தில், "பிரிய சகோதார, சகோதரிகளே வரும் ஆகஸ்ட் 11-ம் தேதி மாவீரன் திரையில் உங்களைச் சந்திக்க வருகிறான்" என்று தெரிவித்து மேக்கிங் வீடியோவை வெளியிட்டுள்ளார்.

My dear brothers and sisters, see u in theatres #MaaveeranFromAugust11th

வீரமே ஜெயம் #Maaveeran #Mahaveerudu#VeerameJeyam@madonneashwin @AditiShankarofl @DirectorMysskin @ShanthiTalkies @iamarunviswa @vidhu_ayyanna @philoedit @bharathsankar12 @iYogiBabu… pic.twitter.com/TRzMmRrXHM

— Sivakarthikeyan (@Siva_Kartikeyan) April 22, 2023