துரை.செந்தில்குமார் இயக்கத்தில் தனுஷ் நடித்து வந்த 'கொடி' படத்தின் படப்பிடிப்பு முடிவுற்று இருக்கிறது.
துரை. செந்தில்குமார் இயக்கத்தில் அனுபமா, த்ரிஷா உள்ளிட்டோருடன் தனுஷ் இரட்டை வேடத்தில் நடித்த 'கொடி' படத்தின் படப்பிடிப்பு ஜனவரி மாத ஆரம்பத்தில் தொடங்கியது. குறுகிய காலத்தில் சரியாக திட்டமிட்டு படப்பிடிப்பை முடிக்கும் தனுஷ், இந்தப் படத்தின் படப்பிடிப்பையும் ஒரே கட்டமாக முடித்திருக்கிறார்.
ஜனவரி 4ம் தேதி தொடங்கிய இப்படத்தின் படப்பிடிப்பு, இன்று முழுமையாக முடிவுற்று இருக்கிறது. பொள்ளாச்சி மற்றும் அதன் சுற்று வட்டாரங்களில் நடைபெறும் கதை என்பதால் முழு படப்பிடிப்பையும் அங்கேயே முடித்திருக்கிறார்கள்.
முதன் முறையாக இப்படத்தின் இசைக்காக சந்தோஷ் நாராயணனுடன் கைகோத்திருக்கிறார் தனுஷ். இப்படத்தைத் தொடர்ந்து கெளதம் மேனன் இயக்கும் 'என்னை நோக்கி பாயும் தோட்டா' படத்திலும் அதனைத் தொடர்ந்து ஹாலிவுட் படத்திலும் நடிக்க தேதிகள் ஒதுக்கி இருக்கிறார் தனுஷ்.