விஜய் சேதுபதியை இயக்குகிறார் வா டீல் ரத்தின சிவா

'வா டீல்' இயக்குநர் ரத்தின சிவா தனது அடுத்த படத்தில் விஜய் சேதுபதியை இயக்க இருக்கிறார்.

'நானும் ரவுடிதான்' படத்தைத் தொடர்ந்து விஜய் சேதுபதி நடிப்பில் 'மெல்லிசை' திரைப்படம் வெளியாகி இருக்கிறது. 'சேதுபதி' படத்தின் படப்பிடிப்பு தற்போது நடைபெற்று வருகிறது. அதனைத் தொடர்ந்து 'காக்கா முட்டை' மணிகண்டன் இயக்கவிருக்கும் படத்தில் நடிக்க ஒப்பந்தமாகி இருக்கிறார் விஜய் சேதுபதி.

இவ்விரண்டு படங்களைத் தொடர்ந்து, 'வா டீல்' இயக்குநர் ரத்தின சிவா இயக்கவிருக்கும் படத்துக்கு தேதிகள் ஒதுக்கியிருக்கிறார் விஜய் சேதுபதி. இப்படத்தை 'ஆரஞ்சு மிட்டாய்' படத்தைப் போல தனது நண்பருடன் இணைந்து தயாரிக்கவிருக்கிறார்.

அருண்விஜய், கார்த்திகா நடித்திருக்கும் 'வா டீல்' படத்தை இயக்கி இருக்கிறார் ரத்தின சிவா. நீண்ட நாட்களாக தயாரிப்பில் இருக்கும் இப்படம் விரைவில் திரைக்கு வரவிருக்கிறது.