Published : 30 Dec 2020 17:58 pm

Updated : 30 Dec 2020 17:59 pm

 

Published : 30 Dec 2020 05:58 PM
Last Updated : 30 Dec 2020 05:59 PM

'புலிக்குத்தி பாண்டி' ஃபர்ஸ்ட் லுக் வெளியீடு

pulikuthi-pandi-first-look-released

சென்னை

முத்தையா இயக்கத்தில் விக்ரம் பிரபு நடித்துள்ள 'புலிக்குத்தி பாண்டி' படத்தின் ஃபர்ஸ்ட் லுக் இன்று வெளியானது.

முத்தையா இயக்கத்தில் விக்ரம் பிரபு நடித்து வந்த படத்தின் படப்பிடிப்பு மதுரையைச் சுற்றியுள்ள பகுதிகளில் நடைபெற்று வந்தது. சன் என்டர்டெயின்மென்ட் நிறுவனம் தயாரித்து வரும் இந்தப் படத்தின் நாயகியாக லட்சுமி மேனன் நடித்துள்ளார். ஒரே கட்டமாக ஒட்டுமொத்தப் படப்பிடிப்பையும் முடித்து, இறுதிக்கட்டப் பணிகள் மும்முரமாக நடைபெற்று வந்தன.

தற்போது, இந்தப் படத்துக்கு 'புலிக்குத்தி பாண்டி' எனப் பெயரிட்டு ஃபர்ஸ்ட் லுக் போஸ்டரை வெளியிட்டுள்ளது படக்குழு. இதற்குப் படக்குழுவினருக்குப் பலரும் வாழ்த்து தெரிவித்து வருகிறார்கள். இந்தப் படம் முதலில் பொங்கலுக்கு சன் டிவியில் ஒளிபரப்பு என்று திட்டமிட்டு இருந்தனர்.

பின்பு ஜனவரி 1-ம் தேதி திரையரங்கில் வெளியிட்டுவிட்டு, 15-ம் தேதி சன் டிவியில் ஒளிபரப்பு என முடிவு செய்தார்கள். ஆனால், இறுதிக்கட்டப் பணிகள் தாமதத்தால் பொங்கலுக்கு நேரடியாக சன் டிவியில் ஒளிபரப்பு செய்யப்பட்டு, பின்பு சன் நெக்ஸ்ட் ஓடிடி தளத்தில் வெளியிட முடிவு செய்துள்ளனர். இதற்கு முன்பு 'நாங்க ரொம்ப பிஸி' படமும் இதே பாணியில் தயாரித்து ஒளிபரப்பானது குறிப்பிடத்தக்கது.

'புலிக்குத்தி பாண்டி' படத்துக்கு ஒளிப்பதிவாளராக வேல்ராஜ், இசையமைப்பாளராக ரகுநந்தன், சண்டை இயக்குநராக திலீப் சுப்பராயன் ஆகியோர் பணிபுரிந்துள்ளனர்.


தவறவிடாதீர்!

புலிக்குத்தி பாண்டிபுலிக்குத்தி பாண்டி ஃபர்ஸ்ட் லுக்விக்ரம் பிரபுலட்சுமி மேனன்இயக்குநர் முத்தையாவேல்ராஜ்என்.ஆர்.ரகுநந்தன்One minute newsPulikuthi pandiPulikkuthi pandiPulikkuthi pandi first lookVikram prabhuLakshmi menonDirector muthiahVelraj

Sign up to receive our newsletter in your inbox every day!

You May Like

More From This Category

More From this Author

x