சீனா மற்றும் ஜப்பான் உள்ளிட்ட நாடுகளில் விஜய் நடித்திருக்கும் 'புலி' படத்தை வெளியிட படக்குழு பேச்சுவார்த்தை நடத்தி வருகிறது.
சிம்புதேவன் இயக்கத்தில் விஜய் நடித்து முடித்திருக்கும் படம் 'புலி'. ஸ்ரீதேவி, ஹன்சிகா, ஸ்ருதிஹாசன், சுதீப் உள்ளிட்ட பல்வேறு நட்சத்திரங்கள் விஜய்யோடு நடித்திருக்கிறார்கள். தேவி ஸ்ரீபிரசாத் இசையமைத்து வரும் இப்படத்துக்கு நட்ராஜ் ஒளிப்பதிவு செய்திருக்கிறார். பி.டி.செல்வகுமார் மற்றும் தமீன் பிலிம்ஸ் இணைந்து தயாரித்து வருகிறார்கள்.
இப்படத்துக்கு சென்சார் அதிகாரிகள் 'யு' சான்றிதழ் அளித்திருக்கிறார்கள். அக்டோபர் 1-ம் தேதி இப்படம் தமிழ், தெலுங்கு ,இந்தி என மூன்று மொழிகளிலும் வெளியிட இருக்கிறார்கள்.
இப்படத்துக்கு டிக்கெட் முன்பதிவு நடைபெற்று வரும் சமயத்தில், இப்படத்தை சீனா மற்றும் ஜப்பானில் உள்ளிட்ட நாடுகளில் வெளியிட தயாரிப்பு நிறுவனம் பேச்சுவார்த்தை நடைபெற்று வருகிறது.
விரைவில் ஒப்பந்தம் கையொப்பம் இடப்பட்டு அதற்கான பணிகள் துவங்கப்படும் என்று படக்குழு சார்பில் தெரிவித்தனர்.