Published : 21 Jun 2020 12:48 pm

Updated : 21 Jun 2020 12:48 pm

 

Published : 21 Jun 2020 12:48 PM
Last Updated : 21 Jun 2020 12:48 PM

இந்தியில் ரீமேக் ஆகிறது 'சூரரைப் போற்று'?

soorarai-pottru-hindi-remake-on-cards

சென்னை

சூர்யா நடிப்பில் வெளியாகவுள்ள 'சூரரைப் போற்று' படம், இந்தியிலும் ரீமேக்காகவுள்ளது.

சுதா கொங்கரா இயக்கத்தில் சூர்யா நடிப்பில் உருவாகியுள்ள படம் 'சூரரைப் போற்று'. இந்தியாவில் முதல் பட்ஜெட் விமானப் பயணத்தை உருவாக்கியவர் ஜி.ஆர்.கோபிநாத். அவருடைய வாழ்க்கையை மையப்படுத்தியே இப்படம் உருவாகியுள்ளது. கரோனா அச்சுறுத்தலால் இந்தப் படம் வெளியாகாமல் உள்ளது.

'சூரரைப் போற்று' படத்தின் தணிக்கைப் பணி முடிந்துவிட்டது. எந்தவொரு காட்சியையும் கட் பண்ணச் சொல்லாமல் 'யு' சான்றிதழ் வழங்கியுள்ளனர் தணிக்கை அதிகாரிகள். ஜி.வி.பிரகாஷ் இசையமைத்துள்ள இந்தப் படத்தில் அபர்ணா, மோகன் பாபு, ஊர்வசி, கருணாஸ் உள்ளிட்ட பலர் சூர்யாவுடன் நடித்துள்ளனர்.

இன்னும் வெளியாகாத இந்தப் படம் இந்தியில் ரீமேக் ஆகவுள்ளது. இதில் ஷாகித் கபூர் நாயகனாக நடிக்கப் பேச்சுவார்த்தை நடைபெற்றுள்ளது. இந்தி ரீமேக்கை சுதா கொங்கராவே இயக்க, ஜி.வி.பிரகாஷ் இசையமைக்கவுள்ளார் எனத் தெரிகிறது.

'சூரரைப் போற்று' படத்தின் டீஸர் மற்றும் காட்சியமைப்புகள் உள்ளிட்டவற்றை வைத்தே ஷாகித் கபூர், இந்தப் படத்தின் இந்தி ரீமேக்கில் ஆர்வம் காட்டியதாகத் தெரிகிறது. மேலும், 'அர்ஜுன் ரெட்டி' தெலுங்குப் படத்தின் இந்தி ரீமேக்கான 'கபீர் சிங்' படத்தில் நாயகனாக நடித்திருந்தார் ஷாகித் கபூர். அந்தப் படம் மாபெரும் வரவேற்பைப் பெற்றது.

அதனைத் தொடர்ந்து தற்போது 'ஜெர்ஸி' படத்தின் இந்தி ரீமேக்கில் நடித்து வருகிறார். அதன் தொடர்ச்சியாக 'சூரரைப் போற்று' படத்தில் ஷாகித் கபூர் நடிப்பார் எனத் தெரிகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

சூரரைப் போற்றுசூரரைப் போற்று ரீமேக்சூரரைப் போற்று இந்தி ரீமேக்சுதா கொங்காராஜி.வி.பிரகாஷ்சூர்யாஷாகித் கபூர்ஷாகித் கபூர் விருப்பம்One minute newsSoorarai pottruSoorarai pottru remakeSoorarai pottru hindi remake

Sign up to receive our newsletter in your inbox every day!

You May Like

More From This Category

More From this Author