விஜய் சேதுபதி தனது ட்விட்டர் பக்கத்தில் பகிர்ந்த 'சூப்பர் டீலக்ஸ்' ஷூட்டிங் ஸ்பாட் வீடியோ பெரும் வைரலாகப் பரவி வருகிறது.
’ஆரண்ய காண்டம்’ இயக்குநர் தியாகராஜன் குமாரராஜா தற்போது ‘சூப்பர் டீலக்ஸ்’ என்ற படத்தை இயக்கியுள்ளார். விஜய்சேதுபதி, சமந்தா, ஃபகத் பாசில், ரம்யா கிருஷ்ணன் உள்ளிட்ட பலர் இதில் முக்கியக் கதாபாத்திரத்தில் நடித்துள்ளனர்.
இப்படத்தில் ஷில்பா என்ற திருநங்கை கதாபாத்திரத்தில் விஜய் சேதுபதி நடித்திருக்கிறார். இவரது புகைப்படங்கள் இணையத்தில் வெளியானதிலிருந்தே, இப்படத்துக்கு பெரும் எதிர்பார்ப்பு அதிகரித்துள்ளது. சமீபத்தில் இதன் ஃபர்ஸ்ட் லுக்கையும் படக்குழு வெளியிட்டது.
இந்நிலையில், ‘அன்று ஒரு நாள் ஷில்பா உடன் Director தியாகராஜன் குமாரராஜா’ என்ற பெயரில் ‘சூப்பர் டீலக்ஸ்’ படப்பிடிப்பு தளத்தின் வீடியோ ஒன்றை தனது ட்விட்டர் பக்கத்தில் வெளியிட்டு இருக்கிறார் விஜய் சேதுபதி. இந்த வீடியோ பலரால் பகிரப்பட்டு வருகிறது.
தற்போது இறுதிக்கட்டப் பணிகளில் தீவிரம் காட்டி வருகிறது படக்குழு. விரைவில் படத்தின் ட்ரெய்லரை வெளியிட படக்குழு தீர்மானித்துள்ளது. நீரவ்ஷா மற்றும் பி.எஸ்.வினோத் ஒளிப்பதிவு செய்துள்ள இப்படத்துக்கு யுவன் இசையமைத்திருக்கிறார்.