ஹெச்.வினோத்தின் ‘விஜய் 69’ படத்தில் இணைந்த வரலட்சுமி சரத்குமார் 

சென்னை: ஹெச்.வினோத் இயக்கத்தில் உருவாகி வரும் ‘விஜய் 69’ படத்தில் முக்கிய கதாபாத்திரத்தில் வரலட்சுமி சரத்குமார் நடித்து வருகிறார்.

சென்னையில் ‘விஜய் 69’ படத்தின் படப்பிடிப்பு மும்முரமாக நடைபெற்று வருகிறது. இதில் வரலட்சுமி சரத்குமார் முக்கிய கதாபாத்திரத்தில் நடித்து வருகிறார். தற்போது விஜய் – வரலட்சுமி சரத்குமார் சம்பந்தப்பட்ட காட்சிகளை தான் படமாக்கி வருகிறது படக்குழு. இதற்கு முன்பாக ‘சர்கார்’ படத்தில் விஜய் – வரலட்சுமி சரத்குமார் இணைந்து நடித்திருக்கிறார்கள். அதில் வில்லியாக வரலட்சுமி நடித்திருப்பது நினைவுக் கூரத்தக்கது.

‘விஜய் 69’ படத்தில் என்ன கதாபாத்திரம் என்பது விரைவில் தெரியவரும். ஹெச்.வினோத் இயக்கத்தில் விஜய், பாபி தியோல், பூஜா ஹெக்டே, பிரகாஷ்ராஜ், பிரியாமணி உள்ளிட்ட பலர் நடித்து வரும் படம் ‘விஜய் 69’. அனிருத் இசையமைத்து வரும் இப்படத்தை கே.வி.என் நிறுவனம் தயாரித்து வருகிறது. இதன் தமிழக உரிமையினை லலித் குமார் கைப்பற்றி இருக்கிறார். இதன் விலை ரூ.100 கோடி என்று வர்த்தக நிபுணர்கள் தெரிவிக்கிறார்கள்.