ராகவா லாரன்ஸ் இயக்கி, நடித்த ‘காஞ்சனா’ படம் வெற்றிப் பெற்றதை அடுத்து அதன் அடுத்தடுத்த பாகங்கள் உருவாகின. ஹாரர், காமெடியில் உருவான இந்தப் படங்கள் வரவேற்பைப் பெற்றதை அடுத்து இப்போது 4-ம் பாகம் உருவாகிறது.
இந்தப் படம் பற்றி ராகவா லாரன்ஸ் சமீபத்தில் அறிவித்திருந்தார். செப்டம்பர் மாதம் இதன் படப்பிடிப்பு தொடங்க இருப்பதாகவும் தெரிவித்திருந்தார். இதன் முதல் பாகத்தில் ராய் லட்சுமியும், 2-ம் பாகத்தில் டாப்ஸி, நித்யா மேனன், 3-ம் பாகத்தில் ஓவியா, வேதிகா, நிக்கி தம்போலி முக்கிய வேடங்களில் நடித்திருந்தனர்.
இந்நிலையில், 4-ம் பாகத்தில் மிருணாள் தாக்குர் நடிக்க இருப்பதாகக் கூறப்படுகிறது. இதுபற்றிய அதிகாரப்பூர்வ அறிவிப்பு வெளியாகும் என்று தெரிகிறது. இந்தி நடிகையான மிருணாள் தாக்குர், ‘சீதாராமம்’ படம் மூலம் தென்னிந்தியாவில் அறிமுகமானார். அடுத்து விஜய் தேவரகொண்டாவின் ‘தி ஃபேமிலி ஸ்டார்’ படத்திலும் நடித்திருந்தார்.