சென்னை: அருள்நிதி கதாநாயகனாக நடித்த ‘டைரி' படம் மூலம் இயக்குநராக அறிமுகமானவர் இன்னாசிப் பாண்டியன். இதில் பவித்ரா மாரிமுத்து, சாம்ஸ், ஜெயப்பிரகாஷ் உட்பட பலர் நடித்திருந்தனர். சூப்பர் நேச்சுரல் த்ரில்லர் படமான இது, வரவேற்பைப் பெற்றது. இதை தனது பைவ் ஸ்டார் கிரியேஷன்ஸ் சார்பில் எஸ். கதிரேசன் தயாரித்திருந்தார். அவர் தயாரிப்பில் இன்னாசிப் பாண்டியன் மீண்டும் படம் இயக்க இருப்பதாக கடந்த மாதம் அறிவிக்கப்பட்டது.
இந்நிலையில், இந்தப் படத்தில் ராகவா லாரன்ஸும் அவர் தம்பி எல்வினும் இணைந்து நடிக்க இருக்கின்றனர். இதன் படப்பிடிப்பு வரும் 15 ம் தேதி சென்னையில் தொடங்குகிறது. 40 நாட்கள் தொடர்ந்து படப்பிடிப்பு நடக்க இருக்கிறது.