சவுபின் சாஹிர், நாத் பாஸி உள்பட பலர் நடித்து வெளியான மலையாள படம், ‘மஞ்சும்மள் பாய்ஸ்’. கொடைக்கானல் குணா குகையில் நடந்த உண்மைச் சம்பவத்தை அடிப்படையாக வைத்து சிதம்பரம் இயக்கிய இந்தப் படம், மலையாளம் தவிர, தமிழ், தெலுங்கிலும் சூப்பர் ஹிட்டானது.
இந்நிலையில் இதன் இயக்குநர் சிதம்பரமும் பிரபல பான் - இந்தியா நட்சத்திரம் ரிஷப் ஷெட்டியும் 2 புதிய படங்களில் இணைகின்றனர்.
முதல் படம் விளையாட்டுப் பின்னணியில் உருவாக இருக்கிறது. கன்னடத்தில் உருவாகும் இப்படம் மற்ற தென்னிந்திய மொழிகளில் டப் செய்யப்பட்டு வெளியாக இருக்கிறது. இப்படத்தின் முன் தயாரிப்பு பணிகள் ஏற்கெனவே தொடங்கிவிட்டன. படப்பிடிப்பு அடுத்த ஆண்டு தொடங்க இருக்கிறது. இதை ஷிபு தமீன்ஸ் தயாரிக்கிறார்.
இப்படம் பற்றிய மற்ற தகவல்கள் பின்னர் வெளியிடப்படும். நடிகர் ரிஷப் ஷெட்டி தற்போது ‘ஜெய் ஹனுமான்’ படத்தில் நடித்து வருகிறார். அதை முடித்துவிட்டு இதன் படப்பிடிப்பில் கலந்து கொள்வார் என்று தெரிகிறது.
