அல்லு அர்ஜுனை இயக்கும் லோகேஷ் கனகராஜ்?

லோகேஷ் கனகராஜ் இயக்கவுள்ள அடுத்த படத்தின் நாயகனாக அல்லு அர்ஜுன் நடிக்கவிருப்பதாக தகவல் வெளியாகியுள்ளது.

ரஜினி நடிப்பில் வெளியான ‘கூலி’ படத்தினை இயக்கியிருந்தார் லோகேஷ் கனகராஜ். அப்படம் எதிர்பார்த்த வரவேற்பினை பெறவில்லை. இதனைத் தொடர்ந்து அவரது அடுத்த படம் குறித்து பல்வேறு தகவல்கள் வெளியாகி வந்தன. சிலர் ‘கைதி 2’ படத்தினை இயக்குவார் என எதிர்பார்த்தார்கள். ஆனால், அப்படமும் தொடங்கப்படவில்லை.

இதனிடையே, லோகேஷ் கனகராஜ் தனது அடுத்த படத்தினை முடிவு செய்திருக்கிறார். மைத்ரி மூவி மேக்கர்ஸ் நிறுவனம் தயாரிப்பில் அல்லு அர்ஜுன் நடிக்கும் படத்தினை லோகேஷ் கனகராஜ் இயக்கவிருப்பதாக தகவல் வெளியாகியுள்ளன. தற்போது அட்லி இயக்கி வரும் படத்தில் நடித்து வருகிறார் அல்லு அர்ஜுன். அதனைத் தொடர்ந்து லோகேஷ் கனகராஜ் படத்தினை துவங்குவார் என தெரிகிறது.

அடுத்த ஆண்டு இறுதியில் இப்படத்தின் படப்பிடிப்பு தொடங்கும் எனத் தெரிகிறது. அதற்கு முன்னதாக படத்தின் முதற்கட்டப் பணிகள் தொடங்கும் என கூறப்படுகிறது. இது தொடர்பான அதிகாரபூர்வ அறிவிப்பு அடுத்தாண்டு தான் வெளியாகவுள்ளது. தற்போது அருண் மாதேஸ்வரன் இயக்கத்தில் உருவாகும் ‘டிசி’ படத்தில் நாயகனாக நடித்து வருகிறார் லோகேஷ் கனகராஜ்.