துல்கர் சல்மான் நடிக்கும் 41-வது திரைப்படத்துக்கு ‘ஸ்ரீ ஸ்ரீ’ என்று பெயரிடப்பட்டுள்ளது. இதில் அவர் ஜோடியாக பூஜா ஹெக்டே நடிக்கிறார். அவர்களின் முதல் தோற்ற போஸ்டரை படக்குழு வெளியிட்டுள்ளது.
அதில் ‘காதல் மீண்டும் மலரும்’ என்ற டேக் லைன் இடம்பெற்றுள்ளது. ரவி நெலகுட்டி இயக்கும் இப்படத்தை எஸ்எல்வி சினிமாஸ் சார்பில் சுதாகர் செருகூரி தயாரிக்கிறார். அனய் ஓம்கோஸ்வாமி ஒளிப்பதிவு செய்கிறார். ஜி.வி.பிரகாஷ் இசையமைக்கிறார்.
தெலுங்கில் உருவாகும் இப்படம், தமிழ், மலையாளம், கன்னடம், இந்தியில் வெளியாக இருக்கிறது. இது காதலையும் நம்பிக்கையையும் மீண்டும் கண்டுபிடிக்கும் ஓர் அழகான கதையைக் கொண்ட படம் என்று படக்குழு தெரிவித்துள்ளது.
