நடிகர் பாலகிருஷ்ணா
தெலுங்கு திரையுலகின் மூத்த நடிகரும், எம்எல்ஏவுமான பாலகிருஷ்ணா, இன்னும் பெயரிடப்படாத திரைப்படம் ஒன்றில் நடித்து வருகிறார்.
கோபி சந்த் மலினேனி இயக்கும் இப்படத்தின் படப்பிடிப்பு தற்போது ஆந்திர மாநிலம், காக்கி நாடாவில் நடைபெற்று வருகிறது. இதில், நடிகர் மோகன் பாபுவின் இளைய மகன் மன்ச்சு மனோஜுவுடன் ஆக் ஷன் காட்சி படமாக்கப்பட்ட போது, பால கிருஷ்ணாவின் முழங்கால் அருகே பலத்த காயம் ஏற்பட்டது. உடனடியாக அவரை காக்கிநாடாவில் உள்ள தனியார் மருத்துவமனையில் சேர்த்தனர்.
அங்கு அவருக்கு சிகிச்சை அளிக்கப்பட்டது. மேலும் மருத்துவர்கள் அறிவுரைப்படி விரைவில் அறுவைச் சிகிச்சை செய்யப்பட இருக்கிறது. “ரசிகர்கள் கவலைப்படத் தேவையில்லை. அவர் விரைவில் குணமடைந்து மீண்டும் படப்பிடிப்புக்குத் திரும்ப வாழ்த்துகிறோம்” என்று படத்தின் இயக்குநர் கோபிசந்த் மலினேனி தெரிவித்துள்ளார்.
ஏராளமான ரசிகர்களும் அவர் விரைவில் குணமடைய வாழ்த்துகளை தெரிவித்துள்ளனர். ‘வீர நரசிம்மா’ படத்துக்கு பின்னர், கோபிசந்த் மலினேனி இயக்கத்தில் நடித்து வருகிறார் பாலகிருஷ்ணா. இது அவரின் 111-வது படம். இதில் காஜல் ஜோடியாக நடிக்கிறார்.
