Published : 08 Nov 2020 17:55 pm

Updated : 08 Nov 2020 21:10 pm

 

Published : 08 Nov 2020 05:55 PM
Last Updated : 08 Nov 2020 09:10 PM

46 நாட்களில் 'த்ரிஷ்யம் 2' படப்பிடிப்பு நிறைவு

drishyam-2-shooting-finished

கொச்சி

46 நாட்களில் ஒட்டுமொத்த 'த்ரிஷ்யம் 2' படப்பிடிப்பையும் முடித்துள்ளது படக்குழு.

2013ஆம் ஆண்டு ஜீத்து ஜோசப் இயக்கத்தில் மோகன்லால் நடிப்பில் வெளியான படம் 'த்ரிஷ்யம்'. மலையாளத்தில் பிரம்மாண்ட வரவேற்பைப் பெற்ற இப்படம் தமிழ், தெலுங்கு உள்ளிட்ட பல்வேறு மொழிகளில் ரீமேக் செய்யப்பட்டது. 'த்ரிஷ்யம்' படத்துக்குப் பிறகு மோகன்லால் - ஜீத்து ஜோசப் கூட்டணி 'ராம்' படத்தில் இணைந்து பணிபுரிந்தது.


கரோனா ஊரடங்கில் திட்டமிட்டபடி படப்பிடிப்பைத் தொடர முடியவில்லை. ஆகையால், மோகன்லால் - ஜீத்து ஜோசப் கூட்டணி 'த்ரிஷ்யம் 2' படத்தின் பணிகளைக் கேரளாவில் தொடங்கினார்கள். செப்டம்பர் 21ஆம் தேதி படப்பூஜையுடன் படப்பிடிப்பு தொடங்கி நடைபெற்று வந்தது.

56 நாட்கள் திட்டமிட்டுப் படப்பிடிப்பு தொடங்கப்பட்டது. ஆனால், 46 நாட்களில் ஒட்டுமொத்தப் படப்பிடிப்பையும் முடித்துவிட்டதாகப் படக்குழு அறிவித்துள்ளது. இதற்கு மோகன்லால், மீனா உள்ளிட்ட ஒட்டுமொத்தப் படக்குழுவினரின் ஒத்துழைப்பே காரணம் என்று இயக்குநர் ஜீத்து ஜோசப் தனது ஃபேஸ்புக் பக்கத்தில் நன்றி தெரிவித்துள்ளார்.

'த்ரிஷ்யம்' படத்தின் தொடர்ச்சியாக, 'த்ரிஷ்யம் 2' கதையை உருவாக்கி இருப்பதால், இந்தப் படத்துக்குப் பெரும் எதிர்பார்ப்பு நிலவி வருகிறது.

தவறவிடாதீர்!

த்ரிஷ்யம்த்ரிஷ்யம் 2த்ரிஷ்யம் 2 படப்பிடிப்பு நிறைவுமோகன்லால்மீனாஇயக்குநர் ஜீத்து ஜோசப்One minute newsDrishyamDrishyam 2Drishyam 2 shooting finishedMohanlalMeena

Sign up to receive our newsletter in your inbox every day!

You May Like

More From This Category

More From this Author

x