Published : 25 Mar 2020 12:19 pm

Updated : 25 Mar 2020 12:25 pm

 

Published : 25 Mar 2020 12:19 PM
Last Updated : 25 Mar 2020 12:25 PM

ராஜமௌலி - ராம்சரண் - ஜூனியர் என்.டி.ஆர் இணையும் இரத்தம் ரணம் ரெளத்திரம்

rrr-movie-title-announced

ராஜமௌலி இயக்கத்தில் ராம்சரண், ஜூனியர் என்.டி.ஆர் இணைந்து நடித்து வரும் படத்துக்கு 'இரத்தம் ரணம் ரெளத்திரம்' எனத் தலைப்பிட்டுள்ளது படக்குழு.

'பாகுபலி' படங்களின் பிரம்மாண்ட வெற்றிக்குப் பிறகு, ராஜமவுலி இயக்கத்தில் ராம்சரண், ஜூனியர் என்.டி.ஆர் நடிக்க, புதிய படத்தின் படப்பிடிப்பு தொடங்கப்பட்டது. இந்தப் படத்துக்குத் தலைப்பு இறுதி செய்யப்படாமல் 'ஆர்.ஆர்.ஆர்' என்று அழைக்கப்பட்டு வந்தது. இன்று (மார்ச் 25) தெலுங்கு வருடப் பிறப்பை முன்னிட்டு இந்தப் படத்தின் தலைப்பை அதிகாரபூர்வமாக அறிவித்துள்ளது படக்குழு.


'ஆர்.ஆர்.ஆர்' என்ற பெயருக்கு ஏற்றார் போல், 'இரத்தம் ரணம் ரெளத்திரம்' என்று தலைப்பிட்டுள்ளது படக்குழு. இதனுடன் இந்தப் படத்தின் மோஷன் போஸ்டரும் வெளியிடப்பட்டுள்ளது. பெரும் எதிர்பார்ப்புக்குரிய படமாக இருப்பதால், பலரும் இந்தப் படத்தின் தலைப்பு மற்றும் மோஷன் போஸ்டருக்கு வரவேற்பு தெரிவித்துள்ளனர்.

இந்தப் படத்தில் ராம்சரண், ஜூனியர் என்.டி.ஆர், அஜய் தேவ்கன், ஆலியா பட், ஒலிவா மோரிஸ், சமுத்திரக்கனி உள்ளிட்ட பலர் முக்கியக் கதாபாத்திரங்களில் நடித்துள்ளனர். டிவிவி நிறுவனம் பெரும் பொருட்செலவில் இந்தப் படத்தைத் தயாரித்து வருகிறது. இந்த ஆண்டு வெளியாவதாக இருந்த இந்தப் படம், படப்பிடிப்பு தாமதம் மற்றும் கிராபிக்ஸ் பணிகள் ஆகியவற்றைக் கணக்கில் கொண்டு 2021-ம் ஆண்டு ஜனவரி 8-ம் தேதி வெளியாகும் எனப் படக்குழு அறிவித்துள்ளது.

சுமார் 400 கோடி ரூபாய் பொருட்செலவில் உருவாகும் இந்தப் படம் தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் வெளியாகவுள்ளது குறிப்பிடத்தக்கது. அதேபோல் இன்று (மார்ச் 25) வெளியிடப்பட்டுள்ள மோஷன் போஸ்டரும் அனைத்து மொழிகளிலும் வெளியிடப்பட்டுள்ளது.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



ராம்சரண்ஜூனியர் என்.டி.ஆர்ராஜமவுலிஅலியா பட்இரத்தம் ரணம் ரெளத்திரம்சமுத்திரக்கனிஆர்.ஆர்.ஆர் தலைப்புராஜமவுலியின் அடுத்தப் படம்தெலுங்கு வருடப் பிறப்பு

Sign up to receive our newsletter in your inbox every day!

You May Like

More From This Category

More From this Author