கும்பமேளாவில் பாலகிருஷ்ணாவின் ‘அகண்டா 2’ படப்பிடிப்பு தொடங்கப்பட்டுள்ளது.
போயபதி சீனு இயக்கத்தில் நந்தமூரி பாலகிருஷ்ணா நடித்த படம் ‘அகண்டா’. இப்படம் மாபெரும் வரவேற்பைப் பெற்றது. இதன் காட்சியமைப்புகள், ஹீரோயிசம், சண்டைக் காட்சிகள் வடிவமைப்பு என ரசிகர்களால் கொண்டாடப்பட்டது. இதனைத் தொடர்ந்து இதன் 2-ம் பாகம் அறிவிக்கப்பட்டது.
தற்போது அதன் படப்பிடிப்பினை கும்பமேளாவில் இருந்து தொடங்கியிருக்கிறார்கள். அதனைத் தொடர்ந்து ஹைதராபாத்தில் பிரம்மாண்ட சண்டைக் காட்சியுடன் முழுவீச்சில் படப்பிடிப்பு தொடங்கவுள்ளது. இப்படத்தினை போயபதி சீனு இயக்கி வருகிறார்.
இதனை பாலகிருஷ்ணாவின் மகள் தேஜஸ்வனி வழங்க, 14 ரீல்ஸ் நிறுவனம் தயாரித்து வருகிறது. செப்டம்பர் 25-ம் தேதி வெளியீடு என்று படப்பூஜை அன்றே படக்குழுவினர் அதிகாரப்பூர்வமாக அறிவித்து விட்டார்கள். இதில் பாலகிருஷ்ணாவுடன் யாரெல்லாம் நடிக்கிறார்கள் என்பதை படக்குழுவினர் இன்னும் அறிவிக்கவில்லை.