ரூ.100 கோடி வசூலை கடந்தது ‘மார்கோ’

உலகளவில் ‘மார்கோ’ படம் ரூ.100 கோடி வசூலை கடந்திருப்பதாக படக்குழு அதிகாரபூர்வமாக அறிவித்திருக்கிறது.

மலையாளத்தில் வெளியான ‘மார்கோ’ படத்துக்கு இளைஞர்கள் மத்தியில் வரவேற்பு கிடைத்திருக்கிறது. டிசம்பர் 20-ம் தேதி வெளியான இப்படத்தில் ரத்தம் தெறிக்கும் சண்டைக் காட்சிகளை மக்கள் கொண்டாடி வருகிறார்கள். மலையாளத்தைத் தொடர்ந்து தமிழ், தெலுங்கு, இந்தி என அனைத்து மொழிகளிலும் டப்பிங் செய்து வெளியிட்டுள்ளது படக்குழு.

தற்போது உலகளவில் ‘மார்கோ’ படம் ரூ.100 கோடி வசூலை கடந்திருப்பதாக படக்குழுவினர் அதிகாரபூர்வமாக அறிவித்திருக்கிறார்கள். குறிப்பாக இப்படத்தினை கொரியன் மொழியிலும் டப்பிங் செய்து வெளியிட்டுள்ளார்கள். இந்தியில் இப்படத்துக்கு நாளுக்கு நாள் வசூல் அதிகரித்து வருவது குறிப்பிடத்தக்கது.

ஹனிஃப் அடினி (Haneef Adeni) இயக்கத்தில் உன்னி முகுந்தன் நடித்துள்ள இப்படத்தினை ஷெரீப் முகமது தயாரித்துள்ளார். இதற்கு தணிக்கை அதிகாரிகள் ‘ஏ’ சான்றிதழ் அளித்துள்ளார்கள். சுமார் 30 கோடி ரூபாய் செலவில் இப்படம் தயாரிக்கப்பட்டது.