பெங்களூரு: பிரசாந்த் நீல் இயக்கிய ‘கே.ஜி.எஃப்’ வரிசை திரைப்படங்களின் மூலம் பிரபலமானவர், கன்னட நடிகர் யாஷ். கே.ஜி.எஃப்: சாப்டர் 2 படம் வெளியாகி ஒரு வருடத்துக்கு மேல் ஆகியும் அடுத்தப் படம் பற்றிய அறிவிப்பை யாஷ் இன்னும் வெளியிடவில்லை. அவருடைய 19 வது படமான அதை, நடிகை கீது மோகன் தாஸ் இயக்க இருப்பதாகக் கூறப்படுகிறது.
இதற்கிடையே லண்டன் சென்றுள்ள நடிகர் யாஷ், அங்கு பிரபல ஹாலிவுட் ஸ்டன்ட் இயக்குநரும் நடிகருமான ஜேஜே பெர்ரியை (JJ Perry) சந்தித்துள்ளார். இருவரும் ஒன்றாக இருக்கும் புகைப்படத்தை பெர்ரி தனது சமூக வலைதளப் பக்கத்தில் வெளியிட்டுள்ளார். அடுத்த படத்தில் இருவரும் இணைந்து பணியாற்ற இருப்பதாக ரசிகர்கள் கூறி வருகின்றனர்