டோனி ஸ்காட் இயக்கத்தில் டாம் குரூஸ் நடித்து 1990-ம் ஆண்டு வெளியானத் திரைப்படம், ‘டேஸ் ஆஃப் தண்டர்’. இதில் ராபர்ட் டுவால், ராண்டி குவைட், மைக்கேல் ரூக்கர், நிக்கோல் கிட்மேன் மற்றும் கேரி எல்வெஸ் ஆகியோர் நடித்துள்ளனர். கார் ரேஸ் பின்னணியில் உருவான இதில் நிஜ வாழ்க்கை கார் ரேஸ் வீரர்களும் நடித்திருந்தனர்.
கார் ரேஸ் உள்ளிட்ட ஆக் ஷன் காட்சிகள் பாராட்டப்பட்டாலும் இப்படம் வசூல் ரீதியாக பெரிய வெற்றியைப் பெறவில்லை. இப்படத்தின் அடுத்த பாகம் உருவாக இருப்பதாக தகவல் வெளியாகி இருந்தது.
இந்நிலையில் அதை டாம் குரூஸ் அதிகாரப்பூர்வமாக அறிவித்துள்ளார். 36 ஆண்டுகளுக்குப் பிறகு உருவாகும் இதன் இரண்டாம் பாகம், 2028-ம் ஆண்டு ஜூன் 2- ம் தேதி வெளியாகும் என்றும் அவர் தெரிவித்துள்ளார்.
இதில் ஹாலிவுட் நடிகை ஆனி ஹாத்வே முதன்மை வேடத்தில் நடிக்கிறார். ஜொனாதன் லெவின் இயக்கும் இப்படத்துக்கு வில் ஸ்டேபிள்ஸ் திரைக்கதை எழுதியுள்ளார். ஜெர்ரி புரூக்ஹைமர் மற்றும் டாம்மி ஹார்பருடன் இணைந்து டாம் குரூஸ் தயாரிக்கிறார்.
