பழம்பெரும் பாலிவுட் நடிகை மதுபாலா, சுமார் 70 படங்களில் நடித்துள்ளார். உடல் நலப் பிரச்சினை காரணமாக தனது 36 வயதில் மரணமடைந்த இவருடைய வாழ்க்கை கதை சினிமாவாக உருவாகிறது. இதை பிரபல பாலிவுட் இயக்குநர் சஞ்சய் லீலா பன்சாலி தயாரிக்க இருக்கிறார். ஜஸ்மீத் கே ரீன் இயக்குகிறார். இவர் ஆலியா பட் நடித்த ‘டார்லிங்ஸ்’ படத்தை இயக்கியவர்.
இதில் மதுபாலாவாக கியாரா அத்வானி நடிக்க இருப்பதாகச் செய்திகள் வெளியாகி வந்தன. படக்குழு அதை மறுத்திருந்தது. இந்நிலையில் அந்த பயோபிக்கில் சாரா அர்ஜுன் நடிக்க இருப்பதாகக் கூறப்படுகிறது. குழந்தை நட்சத்திரமாக, தமிழ், தெலுங்கில் நடித்து வந்த சாரா அர்ஜுன், ‘துரந்தர்’ படத்தில் கதாநாயகியாக அறிமுகமானார்.
