தங்கம் விலை மீண்டும் வரலாறு காணாத புதிய உச்சம்: வியாபாரிகள் சொல்வது என்ன?

சென்னை: தங்​கத்​தின் விலை மீண்​டும் வரலாறு காணாத புதிய உச்​சத்தை பதிவு செய்​தது. ஒரே நாளில் பவுனுக்கு ரூ.1,360 உயர்ந்​து, ரூ.1,07, 600-க்கு விற்​கப்​பட்​டது.

கடந்த டிச.27-ல் பவுன் தங்​கம் ரூ.1,04,800 ஆக உயர்ந்​து, வரலாறு காணாத உச்​சத்தை தொட்​டது. பின்னர் விலை ஏற்ற இறக்​க​மாக இருந்து வந்த நிலை​யில், ஜன.13-ல் ரூ.1,05,360-ஆக​வும், ஜன.14-ல் ரூ.1,06,240 ஆகவும் உயர்ந்​து, வரலாறு காணாதஉச்​சத்தை பதிவு செய்​தது.

இந்​நிலை​யில், சென்​னை​யில் தங்​கத்​தின் விலை நேற்று மீண்​டும் வரலாறு காணாத புதிய உச்​சத்தை தொட்​டது. ஒரே நாளில் பவுனுக்கு ரூ.1,360 உயர்ந்​து, ரூ.1,07,600-க்கு விற்​கப்​பட்​டது. ஒரு கிராம் தங்​கம் ரூ.170 உயர்ந்து ரூ.13,450 ஆக இருந்​தது. 24 காரட் தங்​கம் ரூ.1,17,384-க்கு விற்​கப்​பட்​டது.

இது​போல, வெள்ளி விலை​யும் அதிரடி​யாக உயர்ந்​தது. வெள்ளி கிரா​ம் ரூ.8 உயர்ந்​து, ரூ.318 ஆகவும், கட்டி வெள்ளி கிலோவுக்கு ரூ.8 ஆயிரம் உயர்ந்​து, ரூ.3,18,000 ஆயிர​மாக இருந்​தது.

விலை உயர்வு குறித்​து, சென்னை தங்​கம் மற்​றும் வைர வியாபாரிகள் சங்க நிர்​வாகி ஒரு​வர் கூறிய​தாவது: உலக அளவில் பொருளா​தார நிலை​யற்ற தன்​மை, கிரீன்​லாந்து பிரச்​சினை, அமெரிக்​கா,சீனா ஆகிய நாடு​கள் தங்​கத்​தில் மீது அதிக முதலீடு செய்​வது போன்ற காரணங்​களால், தங்​கத்​தின் தேவை உயர்ந்து, விலை உயர்ந்​துள்​ளது. இது​போலவே வெள்​ளி​யும் தொழில்துறை பயன்​பாட்​டுக்கு அதி​கள​வில் வாங்​கப்​படு​வ​தால், விலை உயர்கிறது. வரும் நாட்​களில், விலை மேலும் உயரும் என்றார்.