குறைந்த விலை வீடுகளுக்கான வீட்டுக்கடன் பிரிவில் வங்கிகளுக்கு சிறந்த வளர்ச்சி வாய்ப்பு கள் உள்ளன என்று சிபில் கூறியுள்ளது. மேலும் கடந்த ஐந்து ஆண்டுகளில் கடன் வளர்ச்சி விகிதம் 23 சதவீதமாக உள்ளது. வாராக்கடன் அளவு 1 சதவீதத் துக்கும் குறைவான அளவிலேயே உள்ளது என்றும் கூறியுள்ளது.
இது தொடர்பான ஆய்வில் சிபில் மேலும் கூறியுள்ளதாவது, குறைந்த விலை வீடுகளுக்கான வீட்டுக் கடன் பிரிவில், (ரூ.10 லட்சத்துக்கு உட்பட்ட வீட்டுக்கடன்) கடந்த ஐந்து ஆண்டுகளில் சராசரி(சிஏஜிஆர்) 23 சதவீதமாக உள்ளது. இந்த பிரிவில் வாராக்கடன் அளவும் 1 சதவீத அளவில்தான் உள்ளது.
2016ம் ஆண்டில் குறைந்த விலை வீடுகளுக்கான வீட்டுக்கடன் ரூ.30,400 கோடி அளவுக்கு அளிக் கப்பட்டுள்ளது. 7.5 லட்சம் பேர் இந்த கடன்களை பெற்றுள்ளனர். கடந்த ஐந்து ஆண்டுகளின் வளர்ச்சியின் அடிப்படையில், இந்த பிரிவில் வங்கிகளுக்கு மிக சிறந்த வாய்ப்புகள் உள்ளன.
இந்த கடன் பிரிவில் சராசரி கடன் விகிதமும் குறைந்து வருகிறது. 2009-10 ஆண்டில் சராசரியாக ரூ.4.8 லட்சமாக இருந்த கடன் அளவு தற்போது ரூ.4.1 லட்சமாக உள்ளது. இது வங்கிகளுக்கு மேலும் சாதகமாக விஷயமாகும் என்றும் கூறியுள்ளது.
இது தொடர்பாக பேசிய சிபில் அமைப்பின் தலைமைச் செயல்பாட்டு அதிகாரி ஹர்ஷலா சந்தோர்கர், சராசரி கடன் அளவுகளை கவனிக்கும்போது, அடுத்த அடுத்த ஆண்டுகளில் இந்த கடன் பிரிவில் சிறிய வங்கிகள் மற்றும் மைக்ரோ வங்கிகளின் தாக்கம் அதிகமாக இருக்கும் என எதிர்பார்க்கலாம் என்றும் கூறினார்.
குறைந்த விலை வீடுகளுக் கான கடன் வளர்ச்சியின் அடிப்படையில் பார்த்தால், இந்த பிரிவில் ஒவ்வொரு மட்டத்திலும் வளர்ச்சி இருக்கும். குறிப்பாக வீடு விலை அதிகரித்து வருவதன் அடிப்படையில் பார்த்தால் வளர்ச்சியின் அறிகுறிகள் தெரியும் என்றார்.
கடந்த ஐந்து ஆண்டுகளில் மஹாராஷ்டிரா, மத்திய பிரதேசம், குஜராத், தமிழ்நாடு ஆந்திர பிரதேச மாநிலங்களில் குறைந்த விலை வீடுகளுக்காக அதிக கடன் வழங்கப்பட்டுள்ளது. இந்த பிரிவில் வழங்கப்பட்டுள்ள கடனில் இந்த மாநிலங்கள் மட்டும் 60 சதவீத கடன் வழங்கியுள்ளன.
மஹாராஷ்டிரா மாநிலம் 6.53 லட்சம் நபர்களுக்கு மேல் கடன் அளித்து முதலிடத்தில் உள்ளது. மத்திய பிரதேசம் 5.60 லட்சம் கடன்களும், குஜராத் 3.13 லட்சம் கடன்களும், தமிழ்நாடு 2.65 லட்சம் கடன்களும், ஆந்திர பிரதேசம் 2.28 லட்சம் கடன்களும் அளித்துள்ளன என்று ஆய்வு தெரிவித்துள்ளது.