நடப்பு நிதி ஆண்டு முடிவடையும் தருணத்தில் நிறுவனங்கள் இடைக் கால டிவிடெண்ட் வழங்குவதில் ஆர்வமாக இருக்கின்றன. நேற்று ஐஷர் மோட்டார்ஸ், டிவிஎஸ் மோட்டார்ஸ் மற்றும் டிரென்ட் ஆகிய நிறுவனங்கள் டிவிடெண்ட் அறிவித்தன. அடுத்த நிதி ஆண்டு முதல் 10 லட்ச ரூபாய்க்கு மேல் டிவிடெண்ட் பெறுபவர்கள் 10 சதவீத வரி செலுத்த வேண்டும் என்பதால் பல நிறுவனங்கள் டிவிடெண்ட் அறிவித்து வருவது குறிப்பிடத்தக்கது.
ஐஷர் மோட்டார்ஸ்
இந்த நிறுவனம் இடைக்கால டிவிடெண்டாக ஒரு பங்குக்கு 100 ரூபாய் அறிவித்திருக்கிறது. 10 ரூபாய் முகமதிப்புள்ள இந்த நிறுவ னத்தின் பங்குகளுக்கு 1,000 சத வீதம் டிவிடெண்ட் வழங்கப்பட்டி ருக்கிறது. இதற்கு ஆவண தேதி யாக மார்ச் 23 அறிவிக்கப்பட்டி ருக்கிறது. மார்ச் 31 அல்லது அதற்கு முன்பாக டிவிடெண்ட் வழங்கப்படும் என்று நிறுவனம் அறிவித்திருக்கிறது.
டிவிஎஸ் மோட்டார்ஸ்
இரு சக்கர வாகன உற்பத்தி யில் உள்ள டிவிஎஸ் மோட்டார்ஸ் நிறுவனம் ஒரு பங்குக்கு 1.50 ரூபாய் டிவிடெண்ட் அறிவித்திருக்கிறது. ஒரு ரூபாய் முகமதிப்புள்ள பங்குக்கு 150 சதவீதம் இடைக்கால டிவிடெண்ட் வழங்கப்படுகிறது. நடப்பு நிதி ஆண்டில் வழங்கப் படும் இரண்டாவது இடைக்கால டிவிடெண்ட் இதுவாகும். மார்ச் 23 அல்லது அதற்கு அடுத்த தினங்களில் டிவிடெண்ட் வழங்கப் படும் என்று நிறுவனம் தெரிவித்திருக்கிறது.
டிரென்ட்
டாடா குழுமத்தை சேர்ந்த ரீடெய்ல் நிறுவனமான டிரென்ட் ஒரு பங்குக்கு 9 ரூபாயை இடைக் கால டிவிடெண்டாக நேற்று அறிவித்தது. 10 ரூபாய் முகமதிப் புள்ள இந்த நிறுவனத்தின் பங்குகளுக்கு 90 சதவீத டிவி டெண்ட் வழங்கப்பட்டிருக்கிறது. மார்ச் 29 அல்லது அதற்கு அடுத்த தினங்களில் இந்த டிவிடெண்ட் வழங்கப்படும் என்று நிறுவனம் நேற்று அறிவித்தது.