அதிக லாபம் ஈட்டிய நிறுவனம் முதலிடத்தில் இந்தியன் ஆயில்: டிசிஎஸ், ரிலையன்ஸை முந்தியது

ஜூன் காலாண்டில் அதிக லாபம் ஈட்டிய நிறுவனங்கள் பட்டியலில் இந்தியன் ஆயில் (ஐஓசி) முதலிடத்தில் இருக்கிறது. கடந்த சில வருடங்களாக முதல் இடத்தில் இருந்த ரிலையன்ஸ் நிறுவனம் கடந்த டிசம்பர் காலாண்டில் டிசிஎஸ் நிறுவனத்திடம் அந்த இடத்தை பறிகொடுத்தது.

ஜூன் காலாண்டில் ரிலையன்ஸ் நிறுவனத்தை விட 118 கோடி ரூபாய் அதிக லாபம் ஈட்டி இருக்கிறது ஐஓசி. ஜூன் காலாண்டில் ஐஓசி நிறுவனத்தின் நிகரலாபம் 6,436 கோடி ரூபாய். ஐஓசி நிறுவனத்தின் சுத்திகரிப்பு வரம்பு ஏழு வருடங்களில் இல்லாத அளவுக்கு உயர்ந்திருக்கிறது. இதனால் நிகரலாப பட்டியலில் முதல் இடத்தை பிடிக்க முடிந்தது. டிசம்பர் காலாண்டிலேயே ரிலையன்ஸ் நிறுவனத்தின் நிகர லாப அளவை ஐஓசி நெருங் கியது. இப்போது தாண்டி விட்டது.

ஜூன் காலாண்டில் நிகர லாப பட்டியலில் மூன்றாவது இடத்தில் டிசிஎஸ் நிறுவனம் இருக்கிறது. ரூ.5,684 கோடி அளவுக்கு இந்த நிறுவனத்தின் நிகரலாபம் இருக்கிறது.