சென்னை: சென்னையில் ஆபரணத் தங்கத்தின் விலை இன்று (ஜூன் 14) பவுனுக்கு ரூ.200 உயர்ந்துள்ளது. இதனால் ஒரு பவுன் தங்கம் ரூ.74,560-க்கு விற்பனை ஆகிறது. நேற்று ஒரே நாளில் தங்கம் விலை பவுனுக்கு ரூ.1,560 என உயர்ந்தது குறிப்பிடத்தக்கது.
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு அடிப்படையில் இந்தியாவில் தங்கம் விலை நிர்ணயிக்கப்படுகிறது. அதோடு உலக நாடுகளின் வர்த்தக ரீதியான செயல்பாடும் தங்கத்தின் விலையில் தாக்கத்தை ஏற்படுத்துகிறது. அதன்படி, தங்கம் விலை உயர்ந்தும், குறைந்தும் வருகிறது.
இந்நிலையில், சென்னையில் 22 காரட் ஆபரணத் தங்கத்தின் விலை இன்று (ஜூன் 14) கிராமுக்கு ரூ.25 உயர்ந்து, ஒரு கிராம் ரூ.9,320-க்கும், பவுனுக்கு ரூ.200 உயர்ந்து ஒரு பவுன் தங்கம் ரூ.74,560-க்கும் விற்பனை ஆகிறது. வெள்ளி விலை எந்தவித மாற்றமும் இன்றி ஒரு கிராம் ரூ.120-க்கு விற்பனையாகிறது.