தமிழகத்தில் வழங்கப்படும் பழங்குடியினர் ஆராய்ச்சி உதவித்தொகை என்பது ஒரு அரசின் சாதனைகளில் ஒரு மைல்கல் ஆகும். தமிழகத்தின் பழங்குடியின பாரம்பரியத்தை அரசு அணுகும் முறையில் ஒரு அமைதியான புரட்சியை ஏற்படுத்தியுள்ளது.
'தொல்குடி' திட்டத்தின் கீழ் அறிமுகப்படுத்தப்பட்டுள்ள இந்த "பழங்குடியினர் ஆராய்ச்சி உதவித்தொகை", வெறும் நிதி உதவி மட்டுமல்ல. அது பழங் குடியின சமூகத்தைச் சேர்ந்த மாணவர் களைத் தங்களின் சொந்த வரலாற்றையும் எதிர்காலத்தையும் எழுதும் வல்லுநர்களாக மாற்றும் ஒரு முயற்சியாகும்.
தொல்குடி புத்தாய்வுத் திட்டம்: உதவித் தொகையின் கட்டமைப்பு திட்டத்தின் கீழ் இளங்கலை (யுஜி), முதுகலை (பிஜி), முனைவர் பட்டம் (பிஎச்டி) மற்றும் முனைவர் பட்டமேற்படிப்பு என அனைத்து நிலைகளிலும் படிக்கும் மாணவர்களுக்கு நிதி உதவி வழங்கப்படுகிறது.
யுஜி மற்றும் பிஜி மாணவர்களின் இறுதி ஆண்டு திட்டப் பணிகளுக்காக 6 மாதங்க ளுக்கு மாதம் ரூ.10,000 வீதம் வழங்கப் படுகிறது. இது களப்பணிக்குத் தேவையான செலவுகளைச் சமாளிக்க உதவும்.
ஆராய்ச்சி மாணவர்கள் 45 பேருக்கு (பிஎச்டி, முனைவர் பட்ட மேற்படிப்பு) மாதம் ரூ.25,000 வீதம் 3 ஆண்டுகளுக்கு வழங்கப் படுகிறது. தினக்கூலிக்காக படிப்பை கைவிடும் சூழலில் இருக்கும் மாணவர்களுக்கு இது ஒரு மிகப்பெரிய வரப்பிரசாதமாகும்.
'வெளியார்' பார்வையிலிருந்து 'உள்ளூர் பார்வைக்கு..: இதுவரை பழங்குடியின ஆய்வுகள் பெரும்பாலும் மானுடவியல் (ஆந்த்ரோபலாஜிஸ்ட்) மேற்கொள்ளப்பட்டு வந்தன. ஆனால், இந்தத் திட்டம் அந்தச் சமூகத்தைச் சேர்ந்தவர்களையே ஆய்வாளர்களாக மாற்றுகிறது. பழங்குடியின சமூகத்தைச் சேர்ந்த ஒரு மாணவர் தனது சமூகத்தின் பாரம்பரிய மருத்துவம் அல்லது நில உரிமைகள் பற்றி ஆய்வு செய்யும்போது, அந்தத் தரவுகள் மிகவும் துல்லியமானதாகவும் கலாச்சார ரீதியாக சரியானதாகவும் இருக்கும்.
இந்த ஆய்வுகள் வெறும் பட்டத்துக்காக மட்டுமல்லாமல், பழங்குடியின மக்களின் வாழ்வாதாரம் மற்றும் உரிமைகளை மேம்படுத்த அரசுக்குத் தேவையான தரவுகளை வழங்குகின்றன. "உண்மை நிலையை அறிந்த கொள்கை உருவாக்கம்" என்பதற்கு இது சிறந்த உதாரணமாக அமையும். அனைவரையும் உள்ளடக்கிய கல்வி பெண்கள் மற்றும் திருநங்கை களுக்கு 55 வயது வரை வயது வரம்பு தளர்வு அளிக்கப்பட்டுள்ளதும், மாற்றுத் திறனாளிகளுக்கு முன்னுரிமை வழங்கப் படுவதும் மிகவும் வரவேற்கத்தக்கதாக இருக்கிறது. சமூக-பொருளாதாரத் தடைகளால் கல்வி தடைபட்டவர்கள் மீண்டும் கல்வியைத் தொடர இது வழிவகுக்கிறது.
சவால்கள்: நான்கு ஆண்டுகளில் ரூ 1,000 கோடி நிதி ஒதுக்கீடு என்பது தமிழக அரசின் நீண்டகால அர்ப்பணிப்பைக் காட்டுகிறது. இருப்பினும், இந்த உதவித்தொகை தகுதியான மாணவர்களுக்குச் சென்றடைவதை உறுதி செய்ய, தேர்வு நடைமுறைகள் மிகவும் வெளிப்படையானதாக இருக்க வேண்டும்.
பழங்குடியின சமூகத்தைச் சேர்ந்த 70 ஆய்வாளர்கள் இந்தத் திட்டத்தின்கீழ் உருவாகும்போது, அது வெறும் பட்டதாரிகளின் எண்ணிக்கையை மட்டுமல்ல, அந்தச் சமூகத்தின் அதிகாரத்தையும் தற்சார்பையும் உயர்த்தும். இத்திட்டத்தினால் தமிழக பழங்குடியின மாணவர்கள் தங்கள் எதிர்காலத்தைத் தாமே எழுதுவதற்கு வழிவகுக்கும். அரசு, மாணவர்கள், சமூகம் இணைந்து இதை அவர்களுக்கு சாத்தியமாக்க வழிவகுக்கிறது.