மேஷம்: வெகுநாட்களாக மனதை வாட்டிய பிரச்சினைக்கு முடிவு கட்டுவீர்கள். வாகனச் செலவு நீங்கும். கணவன் - மனைவிக்குள் மனஸ்தாபங்கள் நீங்கி, அன்யோன்யம் பிறக்கும். விலகிச் சென்றவர்கள் உங்களைப் புரிந்துகொண்டு வருவார்கள். பல வகையிலும் பொருட்கள் சேரும்.
ரிஷபம்: எதார்த்தமாகப் பேசி அனைவரையும் கவருவீர்கள். குடும்பத்தில் அமைதியும், மகிழ்ச்சியும் திரும்பும். மனைவி வழியில் ஆதாயம். அனுகூலம் உண்டு. தடைபட்ட காரியங்கள் விரைந்து முடியும். தங்களது முடிவில் பிடிவாதமாக இருக்கும் பிள்ளைகளை நல்வழிப்படுத்துவீர்கள்.
மிதுனம்: தேவையற்ற அச்சம், கவலை, மனக் குழப்பங்கள் வந்துபோகும். பண விஷயத்தில் கறாராக இருங்கள். தொழில், வியாபாரத்தில் வெளியூர் பயணம், அலைச்சல், வீண் செலவுகள் இருக்கும். ஆன்மிகம், தியானம், யோகாவில் ஈடுபாடு உண்டாகும். எதிலும் பொறுமை தேவை.
கடகம்: எதிர்பார்த்த தொகை கைக்கு வரும். பிள்ளைகள் ஆறுதலாக இருப்பார்கள். வெளிநாட்டில் இருப்பவர்கள், வேற்றுமொழி பேசுபவர்களால் திடீர் திருப்பம் உண்டாகும். அரசு, வங்கி வகையில் ஆதாயம் உண்டு. வீடு, கடையை விரிவுபடுத்திக் கட்டுவீர்கள். பேச்சில் நிதானம் அவசியம்.
சிம்மம்: மனக் குழப்பங்கள் விலகி தெளிவு பிறக்கும். நம்பிக்கை, உற்சாகத்துடன் செயல்படுவீர்கள். குடும்பத்தில் சுப நிகழ்ச்சிகள் ஏற்பாடாகும். வியாபாரத்தில் பங்குதாரர்கள் இடையே கருத்து வேறுபாடுகள் நீங்கி, சுமுக நிலை உண்டாகும். பழுதான வாகனத்தை மாற்றுவீர்கள்.
கன்னி: உற்சாகம், தோற்றப் பொலிவு கூடும். உங்கள் ஆளுமைத் திறன் அதிகரிக்கும். சவாலான காரியங்களையும் சர்வசாதாரணமாக முடித்துக் காட்டுவீர்கள். தொழில், வியாபாரத்தை விரிவுபடுத்துவீர்கள். பூர்வீக சொத்து விஷயத்தில் ஆதாயம் உண்டாகும். கடனுதவி கிடைக்கும்.
துலாம்: குடும்பத்தில் சலசலப்புகள் ஓய்ந்து அமைதி உண்டாகும். பிள்ளைகளின் வருங்காலம் குறித்து யோசிப்பீர்கள். பழைய கசப்பான சம்பவங்களைப் பற்றி யாரிடமும் விவாதிக்க வேண்டாம். வியாபாரத்தில் லாபம் கிடைக்கும். முக்கிய கோப்புகளை கவனமாக கையாளுங்கள்.
விருச்சிகம்: மகிழ்ச்சியுடன் காணப்படுவீர்கள். பணவரவு திருப்திகரமாக இருக்கும். அரசுக் காரியங்களில் வெற்றி உண்டு. நல்லவர்களின் நட்பு கிடைக்கும். பழைய கடன் பிரச்சினைகள் தீரும். பால்ய நண்பர்களைச் சந்தித்து மகிழ்வீர்கள். சகோதர வகையில் ஆதாயம், அனுகூலம் உண்டாகும்.
தனுசு: கடந்தகால இனிய அனுபவங்களை நினைவுகூர்ந்து மகிழ்வீர்கள். வீட்டைப் புதுப்பிக்க திட்டமிடுவீர்கள். அரசு காரியங்கள் சாதகமாக முடியும். உறவினர்கள், நண்பர்கள் வருகையால் வீடு களைகட்டும். பயணத்தால் அலைச்சல் இருந்தாலும் ஆதாயமும் உண்டாகும்.
மகரம்: எடுத்த வேலையை முடிப்பதற்குள் அலைச்சல் அதிகரிக்கும். உறவினர், நண்பர்களால் வீண் செலவுகள் உண்டாகும். தொழில், வியாபாரத்தில் பழைய பாக்கிகள் வசூலாகும். பழைய சரக்குகள் விற்றுத் தீரும். ஆடை, ஆபரணங்கள் சேரும். ஆன்மிகத்தில் நாட்டம் அதிகரிக்கும்.
கும்பம்: புதிய முயற்சிகள் வெற்றியடையும். கணவன் - மனைவிக்குள் மனம்விட்டுப் பேசுவீர்கள். இழுபறியாக இருந்த சொத்து பிரச்சினைகள் சுமுகமாக தீரும். குடும்பத்துடன் புண்ணியத் தலங்களுக்கு சென்று வருவீர்கள். கேட்டிருந்த கடனுதவிகள் தக்க சமயத்தில் கிடைக்கும்.
மீனம்: விலகிச் சென்ற பழைய சொந்த பந்தங்கள் தேடி வருவார்கள். குடும்பத்தில் கலகலப்பான சூழல் ஏற்படும். உடன்பிறந்தவர்களால் உரிய நேரத்தில் உதவி கிடைக்கும். அலுவலகத்தில் உங்களைக் குறைகூறியவர்கள் இனி பாராட்டுவார்கள். அனைவரையும் அரவணைத்துச் செல்வீர்கள்.
