மேஷம்: சில வேலைகளை அலைந்து முடிப்பீர்கள். குடும்பத்தில் விட்டுக் கொடுத்து போவது நல்லது. அக்கம் பக்கத்தினரை பகைத்து கொள்ள வேண்டாம். வியாபாரத்தில் முக்கிய முடிவுகளை தாமதப்படுத்தவும். அலுவலகத்தில் பிறர் விஷயத்தில் தலையிடாதீர்கள்.
ரிஷபம்: எதையும் சாதித்துவிடலாம் என்ற எண்ணம் வரும். முக்கிய பிரமுகர்கள் சிலரின் அறிமுகம் கிட்டும். மாணவர்கள் படிப்பில் ஆர்வம் காட்டுவர். சொத்து வழக்கில் சாதகமான தீர்ப்பு கிடைக்கும். வியாபாரத்தில் பங்குதாரர்களின் ஆதரவு உண்டு. உத்தியோகம் சிறக்கும்.
மிதுனம்: திட்டமிட்ட காரியங்கள் கைகூடும். குழப்பம் நீங்கி குடும்பத்தில் சந்தோஷம் தங்கும். மகளுக்கு நல்ல வரன் அமையும். அலுவலகத்தில் மதிப்பு உயரும். தொழிலதிபர்கள் அறிமுகமாவார்கள். வங்கிக் கடனுதவி கிட்டும். வியாபாரத்தை பெரியளவில் விரிவுபடுத்துவீர்.
கடகம்: வீட்டில் பழுதடைந்த மின்னணு, மின்சார சாதனங்களை மாற்றுவீர்கள். தாய்வழி உறவினர்களின் வருகையுண்டு. வியாபாரத்தில் போட்டிகளை எளிதாக சமாளிப்பீர். அலுவலகத்தில் பணிச்சுமை குறையும். மேலதிகாரிகளின் வீட்டு விசேஷங்களில் பங்கேற்பீர்கள்.
சிம்மம்: வீண் செலவுகளை தவிர்ப்பீர்கள். பிள்ளைகள் பொறுப்பாக நடந்து கொள்வார்கள். பூர்வீகச் சொத்துப் பிரச்சினைகள் முடிவுக்கு வரும். தாயாரின் உடல்நலம் சீராகும். வியாபாரம் சூடு பிடித்து நல்ல லாபம் கிட்டும். அலுவலகத்தில் உயரதிகாரிகளின் அன்பை பெறுவீர்கள்.
கன்னி: மனதில் இருந்த குழப்பங்கள் நீங்கி தெளிவு பிறக்கும். தடைகள் உடைபடும். குடும்ப உறுப்பினர்கள் அனைவரும் உங்களை புரிந்து கொண்டு ஆதரவு தருவர். தாயாரின் ஆரோக்கியத்தில் கவனம் தேவை. அலுவலக ரீதியாக பயணம் உண்டு. வியாபாரம் நல்ல லாபம் தரும்.
துலாம்: முடியாது என்றிருந்த வேலையை முடித்துக் காட்டுவீர்கள். பழைய நண்பர்கள் தேடி வருவார்கள். விஐபிகளால் பாராட்டப்படுவீர். ஆன்மிகத்தில் நாட்டம் கூடும். உத்தியோகம் சிறக்கும். வியாபாரத்தில் புதிய பங்குதாரர்களின் ஆலோசனைகளை ஏற்று நடக்கவும்.
விருச்சிகம்: மகளின் திருமணம், மகனின் படிப்பு, தாயாரின் சிகிச்சை தொடர்பாக அலைச்சல் இருக்கும். வெளி உணவுகளை தவிர்க்கவும். சில காரியங்களை போராடி முடிப்பீர்கள். வியாபாரத்தில் போட்டிகளை சமாளிப்பீர். அலுவலகத்தில் அமைதி காப்பது நல்லது.
தனுசு: பணவரவு திருப்திகரமாக இருக்கும். சாதிக்க வேண்டுமென்ற எண்ணம் வரும். அதற்கு ஏற்றபடி சில விஐபிகளும் பக்கபலமாக இருப்பார்கள். குடும்பத்தில் சுபநிகழ்ச்சி ஏற்பாடாகும். அலுவலகத்தில் சக ஊழியர் மத்தியில் மதிப்பு உயரும். வியாபாரத்தில் ஏற்றமுண்டு.
மகரம்: புத்திசாலித்தனமாக நடந்து கொள்வீர். பழைய நண்பர்கள் தேடி வருவர். வெளியூர் பயணங்களால் உற்சாகமடைவீர். அலுவலகத்தில் உயரதிகாரியுடனான மனக்கசப்புகள் நீங்கும். வியாபாரத்தில் பங்குதாரர்களின் ஆலோசனைகளைக் கேட்டு செயல்படுவது நல்லது.
கும்பம்: குடும்பத்தினரின் விருப்பங்களை கேட்டறிந்து நிறைவேற்றுவீர். பால்ய நண்பர்களின் சந்திப்பு நிகழும். பேச்சில் தன்னம்பிக்கை பிறக்கும். பழைய வாகனத்தை மாற்றுவீர். அலுவலகத்தில் புதிய பதவிக்கு பரிந்துரை செய்யப்படுவீர்கள். வியாபாரத்தை விரிவுபடுத்துவீர்கள்.
மீனம்: இலக்கை நோக்கி முன்னேறுவீர்கள். அலைச்சல் குறையும். நெருக்கமானவரின் பிரச்சினைகளை தீர்த்து வைப்பீர். வியாபாரத்தில் பணியாட்கள் உதவிகரமாக நடந்து கொள்வர். அலுவலகத்தில் அடுத்தவரைப் பற்றி தலைமையிடத்தில் புகார் கூறுவதை தவிர்ப்பது நல்லது.
