கோப்புப்படம்
இஸ்லாமாபாத்: பாகிஸ்தானின் மிகப்பெரிய மாகாணமான பலுசிஸ்தானில் பலூச் விடுதலைப் படை (பிஎல்ஏ) நடத்திய இரு வேறு தாக்குதல்களில் பாகிஸ்தான் ராணுவ வீரர்கள் 25 பேர் உயிரிழந்தனர்.
பாகிஸ்தானின் மிகப்பெரிய மாகாணம் பலுசிஸ்தான். அங்கு அரசியல் அடக்குமுறை மற்றும் ராணுவ கெடுபிடிகளுக்கு எதிராக பிரிவினைவாதிகள் சுயாட்சி கோரி போராடி வருகிறார்கள்.
இந்நிலையில், நேற்று முன்தினம் ஜியாரத் கிராஸ் பகுதியில் ராணுவ வாகனங்கள் மீது ‘ஃபாத்தே ஸ்குவாட்’ படை நடத்திய தாக்குதலில் 18 வீரர்களும், ஹாஜிகா பகுதியில் சிறப்பு அதிரடிப் படை நடத்திய தாக்குதலில் 7 வீரர்களும் கொல்லப்பட்டதாக பிஎல்ஏ தெரிவித்துள்ளது.
இதையடுத்து, பாகிஸ்தான் ராணுவம் நடத்திய பதில் தாக்குதலில் பிஎல்ஏ மற்றும் தெஹ்ரீக்-இ-தாலிபான் அமைப்புகளைச் சேர்ந்த 48 பேர் கொல்லப்பட்டனர்.