தமிழகம்

டிஜிட்டல் மோசடிகளில் இருந்து தப்பிக்க சமூக வலைதளங்களை பாதுகாப்பாகப் பயன்படுத்துங்கள்: சைபர் குற்றப்பிரிவு போலீஸார் அறிவுறுத்தல்

செய்திப்பிரிவு

சென்னை: டிஜிட்டல் மோசடிகளில் இருந்து தப்​பிக்க சமூக வலை​தளங்​களைப் பாது​காப்​பாகப் பயன்​படுத்த வேண்​டும் என பொது​மக்​களுக்கு சைபர் குற்​றப்​பி​ரிவு போலீ​ஸார் அறி​வுறுத்தி உள்​ளனர்.

சென்னை காவல்​துறை​யின் சைபர் குற்​றப்​பி​ரிவு சார்​பில் நேற்​று முன்​தினம் மாலை, திரு​வான்​மியூர் கிழக்கு காம​ராஜர் நகரில் உள்ள ரமணி​யம் சமர்ப்​பண் அடுக்​குமாடி குடி​யிருப்​பில் இணை​ய​வழி குற்​றங்​கள், மோசடிகள் குறித்த விழிப்​புணர்வு நிகழ்ச்சி நடை​பெற்​றது.

காவல் ஆய்​வாளர் கே. உஷாராணி தலை​மையி​லான போலீ​ஸார் இந்த விழிப்​புணர்வு நிகழ்ச்​சி​யில் பங்​கேற்று குடி​யிருப்பு வாசிகளுக்கு பல்​வேறு அறி​வுறுத்​தல்​களை வழங்​கினர்.

குறிப்​பாக, டிஜிட்​டல் கைது மோசடி, ஆன்​லைன் முதலீட்டு மோசடி, ஆன்​லைன் வர்த்​தக மோசடி, பாஸ் மோசடி, பரிசுப் பொருள் மோசடி, கூரியர் மோசடி மற்​றும் திரு​மணம் தொடர்​பான மோசடிகள் குறித்​தும், இத்​தகைய மோசடிகளில் சிக்​காமல் பொது​மக்​கள் தங்​களைப் பாது​காத்​துக் கொள்​வதற்​கான வழிமுறைகள் குறித்​தும் விழிப்​புணர்வு ஏற்​படுத்​தப்​பட்​டது.

மேலும், வாட்​ஸ்அப், ஃபேஸ்​புக், இன்ஸ்டாகிராம், எக்ஸ், ஸ்​னாப்​சாட் மற்​றும் டெலி​கிராம் உள்​ளிட்ட சமூக வலை​தளங்​களைப் பாது​காப்​பாகப் பயன்​படுத்​து​வது குறித்​தும் அறி​வுரைகள் வழங்​கப்​பட்​டன.

இணை​ய​வழி பண மோசடிகளால் பாதிக்​கப்​பட்​டால் உடனடி​யாக 1930 என்ற சைபர் குற்ற உதவி எண்​ணைத் தொடர்​பு​கொள்ள வேண்​டும் என்​றும், www.cybercrime.gov.in என்ற தேசிய சைபர் குற்​றப் புகார் இணையதளத்​தில் புகார் அளிக்க வேண்டும் என்​றும் குடி​யிருப்பு வாசிகளுக்கு அறி​வுறுத்​தப்​பட்​டது.

தொடர்ந்து, சைபர் குற்​றங்​கள் தொடர்​பான விழிப்​புணர்​வுத் துண்​டுப் பிரசுரங்​கள் வழங்​கப்​பட்​டன. மேலும், நிகழ்ச்​சி​யின்​போது கேட்​கப்​பட்ட கேள்​வி​களுக்​குச்சரியான பதில்​களை அளித்த பங்​கேற்​பாளர்​களுக்​குப் பரிசுகளும் வழங்​கப்​பட்​டன.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT