செங்கல்பட்டு: மதுராந்தகம், தாராபுரம் தொகுதி இடைத்தேர்தலை முன்னிட்டு, செங்கல்பட்டு, திருப்பூர் மாவட்டங்களில் 4 நாட்களுக்கு டாஸ்மாக் கடைகளை மூட உத்தரவிடப்பட்டுள்ளது.
செங்கல்பட்டு மாவட்டம் மதுராந்தகம் சட்டப்பேரவை தொகுதிக்கான இடைத்தேர்தலை முன்னிட்டு வரும் 4-ம் தேதி முதல் 6-ம் தேதி வரை மற்றும் வாக்கு எண்ணிக்கை நடைபெறும் 9-ம் தேதி என மொத்தம் 4 நாட்களுக்கு மாவட்டத்தில் இயங்கிவரும் டாஸ்மாக் மதுபானக் கடைகள், உரிமம் பெற்ற தனியார் மதுபானக் கடைகள், மதுபானக் கூடங்கள் மூடப்படுவதாக மாவட்ட ஆட்சியர் மு.வீரப்பன் தெரிவித்து உள்ளார்.
தாராபுரம் தொகுதி இடைத்தேர்தலையொட்டி திருப்பூர் மாவட்டம் முழுவதும் டாஸ்மாக் மதுபானக்கடைகள், அரசு உரிமம் பெற்ற மதுபானக்கூடங்கள் ஆகியவையும் 4 நாட்கள் மூடப்படும் என்று மாவட்ட ஆட்சியர் மனிஷ் நாரணவரே அறிவித்துள்ளார்.