மாங்கனி நகரத்தில் இருந்து சந்திரமான சூரியக் கட்சி மாநகர் விஐபி-யும் அரசியான மண்டலக் குழு தலைவியும் 12 கவுன்சிலர்களைக் கூட்டிக் கொண்டு அண்மையில் அறிவாலய விசிட் வந்துவிட்டுப் போனார்களாம். வந்ததன் நோக்கமே அந்த மாவட்டத்தின் முன்னாள் ‘ராஜ’ மாண்புமிகுவுக்கு மீண்டும் மைய மாவட்டச் செயலாளர் பதவியைக் கொடுத்துவிடாதீர்கள் என்று வேண்டுகோள் வைக்கத்தானாம்.
“அமைச்சராக இருந்தும் இவரால தன்னோட மாவட்டத்துல ஒரு தொகுதியைக் கூட ஜெயிச்சுக் குடுக்க முடியல” என்று இவர்கள் வைத்த குற்றச்சாட்டைக் கேட்டு, “உங்க மாவட்டத்துல தான் ஒரு தொகுதியில கூட நம்ம கட்சி ஜெயிக்கலியே... அதுவுமில்லாம அவரோட பொறுப்புல இருக்கிற 3 தொகுதிகளிலும் நம்ம ரெண்டாவது இடத்தைப் பிடிச்சுட்டோமே” என்று சொன்னார்களாம் தலைமைப் பூசாரிகள்.
இருந்தாலும் ஒரே சமயத்தில் பெரியவரையும் சின்னவரையும் பார்த்து தங்களது குமுறலைக் கொட்டிவிட்டுப் போனார்களாம் வந்தவர்கள். இவர்கள் பிராது கொடுக்க தலைநகருக்கு வந்து போன விஷயம் எதிர்தரப்புக்கு உடனே தெரிந்து விட்டதாம்.
“ஒரு காலத்தில் மாங்கனி மாவட்டத்தில் தலைமைக்கு எதிராக தைரியமாக ஜனநாயகக் குரல் எழுப்பி வந்த ‘வீரமானவரை’ சமாளிக்க நடப்புத் தலைவரால் தட்டிக் கொடுத்து வளர்க்கப்பட்டவர் தான் ராஜமான அந்த மாவட்டச் செயலாளர். இன்றைக்கு யாரோ வந்து சொல்கிறார்கள் என்பதற்காக அவரை எப்படி ஒதுக்கிவைக்கும் தலைமை?” என்று எதிர்தரப்பு இப்போது எக்காளமிடுகிறதாம்.