சென்னை: பிரதமர் மோடி தனது 76-வது பிறந்தநாளை நேற்று கொண்டாடினார். அவருக்கு தமிழக ஆளுநர், முதல்வர், அரசியல் கட்சி தலைவர்கள் வாழ்த்து தெரிவித்துள்ளனர்.
இதுகுறித்து அவர்கள் வெளியிட்டுள்ள வாழ்த்துச் செய்தியில் கூறியிருப்பதாவது:
ஆளுநர் ஆர்.வி.அர்லேகர்: பிரதமர் மோடியின் தொலைநோக்குப் பார்வையும், நாட்டின் சேவைக்கான அர்ப்பணிப்பும், 2047-ம் ஆண்டுக்குள் வளர்ச்சியடைந்த பாரதத்தை உருவாக்கும் தேசிய இலக்குக்கு புதிய உத்வேகத்தை அளித்து வருகின்றன.
முதல்வர் விஜய்: வலிமையான இந்தியாவை உருவாக்கும் நோக்கில் அர்ப்பணிப்புடன் செயல்பட்டுவரும் பிரதமர் நரேந்திர மோடிக்கு எனது மனமார்ந்த பிறந்தநாள் வாழ்த்துகள். நல்ல உடல் நலத்துடனும், நீண்ட ஆயுளுடனும் நீடூழி வாழ உளமார வாழ்த்துகிறேன்.
திமுக தலைவர் மு.க.ஸ்டாலின்: பிரதமர் நரேந்திர மோடிக்கு இனிய பிறந்தநாள் நல்வாழ்த்துகள். நல்ஆரோக்கியத்துடனும், மகிழ்ச்சியுடனும், நீண்ட ஆயுளுடனும் வாழ வாழ்த்துகிறேன்.
அதிமுக பொதுச் செயலாளர் பழனிசாமி: தங்களின் உறுதியான தலைமைத்துவமும், தேசத்தின் மீதான தளராத அர்ப்பணிப்பும் இந்தியாவின் வளர்ச்சியையும் செழிப்பையும் தொடர்ந்து வலுப்படுத்தி வருகின்றன. தங்களுக்கு நல்ல ஆரோக்கியமும், நீண்ட ஆயுளும், தொடர்ந்து தேசப் பணியாற்றுவதற்கான ஆற்றலும் கிடைக்க வாழ்த்துகிறேன்.
பாஜக மாநில தலைவர் நயினார் நாகேந்திரன்: ‘வளர்ந்த பாரதம்’ என்ற உயரிய இலக்கை நோக்கி, நாட்டின் ஒவ்வொரு குடிமகனின் முன்னேற்றத்தையும் மையமாகக் கொண்டு தொடர்ந்து உழைத்து வரும் பிரதமர் மோடியின் பொதுவாழ்வுப் பணி மேலும் சிறக்கட்டும்.
பாமக தலைவர் அன்புமணி: பிரதமர் நரேந்திர மோடி, நல்ல ஆரோக்கியத்துடன் நீண்டகாலம் வாழ்ந்து, பொதுவாழ்க்கையில் புதிய சாதனைகளைப் படைக்கவும், நாட்டுக்கு சேவையாற்றவும் வேண்டும்.
தேமுதிக பொதுச் செயலாளர் பிரேமலதா: பிரதமர் மோடி நல்ல உடல்நலத்துடனும், மகிழ்ச்சியுடனும், மனவலிமையுடனும் நீண்ட ஆயுளுடன் வாழ்ந்து, நமது நாட்டுக்கும் நாட்டு மக்களுக்கும் தொடர்ந்து சேவையாற்ற இறைவன் அருள்புரியட்டும்.
அமமுக பொதுச் செயலாளர் டிடிவி தினகரன்: நாட்டுப்பணியில் பிரதமரின் பயணத்துக்கு மற்றொரு நிறைவான மற்றும் அர்த்தமுள்ள ஆண்டின் தொடக்கமாக இந்நாள் அமையட்டும்.
மநீம தலைவர் கமல்ஹாசன்: நல்ல ஆரோக்கியத்தையும், தெம்பையும் பெற்று, நமது மாபெரும் தேசத்துக்குத் தொடர்ந்து சேவையாற்றும் நல்வாய்ப்புகளையும் வழங்க வேண்டுகிறேன்.
‘வீ த லீடர்ஸ்’ தலைவர் அண்ணாமலை: பிரதமரின் ஓய்வில்லாத சேவையும், தொலைநோக்குத் தலைமையும், சமுதாயத்தின் ஒவ்வொரு பிரிவினரையும் உயர்த்த வேண்டும் என்ற தணியாத ஆர்வமும் லட்சக்கணக்கான மக்களுக்குத் தொடர்ந்து ஊக்கமளித்து வருகின்றன.
ஐஜேகே தலைவர் ரவி பச்சமுத்து: இந்தியாவின் வளர்ச்சி, பொருளாதார முன்னேற்றம், தொழில்நுட்ப மேம்பாடு மற்றும் சர்வதேச உறவுகள் உள்ளிட்ட பல்வேறு துறைகளில் அரசை வழிநடத்தி வரும் பிரதமர் மோடியின் பொதுப்பணி தொடர வாழ்த்துகிறேன். இவ்வாறு அவர்கள் தெரிவித்துள்ளனர்.
இதேபோல், பெருந்தலைவர் மக்கள் கட்சி தலைவர் என்.ஆர்.தனபாலன் உள்ளிட்ட பல்வேறு அரசியல் கட்சி தலைவர்களும் பிரதமர் மோடிக்கு வாழ்த்து தெரிவித்துள்ளனர்.