சென்னை: தமிழகத்தில் 19 மூத்த ஐஏஎஸ் அலுவலர்கள் பணியிட மாற்றம் செய்யப்பட்டுள்ளனர். இதுகுறித்து தமிழக தலைமைச் செயலர் எம்.சாய்குமார் வெளியிட்ட அறிவிப்பு:
தமிழ்நாடு மின்வாரியத் தலைவர் ஜெ.ராதாகிருஷ்ணன், பயிற்சித் துறை தலைமை இயக்குநராகவும், சுற்றுச்சூழல் துறை செயலர் சுப்ரியா சாஹு, தமிழ்நாடு தொழில் முனைவோர் மேம்பாடு, புத்தாக்க நிறுவனத்தின் ஆணையராகவும், உயர்கல்வித் துறை செயலர் வி.அருண்ராய், மின்வாரியத் தலைவராகவும் பணியிடம் மாற்றப்பட்டுள்ளனர்.
தொழில் முனைவோர் மேம்பாடு நிறுவனத்தின் ஆணையர் தீரஜ் குமார், உயர்கல்வித் துறை செயலராகவும், தகவல் தொழில்நுட்பத் துறை செயலர் பிரதீப் யாதவ், சிறு குறு நடுத்தர தொழில் நிறுவனங்கள் துறை செயலராகவும், பொது மற்றும் மறுவாழ்வுத் துறை செயலர் காகர்லா உஷா, சுற்றுச்சூழல் துறை செயலராகவும், சிறு குறு நடுத்தர தொழில் நிறுவனங்கள் துறை செயலர் அதுல் ஆனந்த், தகவல் தொழில்நுட்பத் துறை செயலராகவும், மருத்துவ சேவைகள் கழகத்தின் முன்னாள் நிர்வாக இயக்குநர் பி.உமாநாத், தொழில், வர்த்தகத் துறை ஆணையராகவும் இடம் மாற்றப்பட்டுள்ளனர்.
தொழில், வர்த்தகத் துறை ஆணையர் நிர்மல் ராஜ், போக்குவரத்துத் துறை செயலராகவும், பொது மற்றும் மறுவாழ்வுத் துறை சிறப்புச் செயலர் இ.சுந்தரவல்லி, அதே துறையின் முழுநேர செயலராகவும், பேரிடர் மேலாண்மைத் துறை செயலர் சிஜி தாமஸ் வைத்யன், போக்குவரத்துத் துறை ஆணையராகவும், நில நிர்வாகத் துறை ஆணையர் ஆர்.கஜலட்சுமி, மதுவிலக்கு துறை ஆணையராகவும், போக்குவரத்துத் துறை செயலர் எம்.வள்ளலார், தொழிலாளர் துறை ஆணையராகவும் மாற்றப்பட்டுள்ளனர்.
மதுவிலக்கு துறை ஆணையர் பூஜா குல்கர்னி, தமிழ்நாடு உள்கட்டமைப்பு மேம்பாட்டு வாரியத்தின் தலைமைச் செயல் அதிகாரியாகவும், சமூக நலத் துறை இயக்குநர் மகேஸ்வரி ரவிக்குமார், கலை, பண்பாட்டுத் துறை இயக்குநராகவும், வீட்டுவசதி துறை கூடுதல் செயலர் டி.ரத்னா, அறநிலையத் துறை கூடுதல் ஆணையராகவும், போக்குவரத்துத் துறை இயக்குநர் டி.பாஸ்கர பாண்டியன், அருங்காட்சியகங்கள் இயக்குநராகவும்,
கலை, பண்பாட்டுத் துறை இயக்குநர் ஆர்.பிருந்தா தேவி, சமூக நலத் துறை இயக்குநராகவும், கோவை மாவட்ட கூடுதல் ஆட்சியர் வாகே சங்கேத் பல்வந்த், தமிழ்நாடு தொழில் வளர்ச்சி நிறுவனத்தின் செயல் இயக்குநராகவும் இடமாற்றம் செய்யப்பட்டுள்ளனர்.