கோப்புப் படம்
சென்னை: ஆம்னி பேருந்துகளில் அதிக கட்டணம் வசூல் குறித்து புகார் தெரிவிக்க உதவி எண்கள் அறிவிக்கப்பட்டுள்ளது.
இது குறித்து போக்குவரத்து ஆணையர் கிரண் குராலா வெளியிட்ட அறிக்கையில் கூறியிருப்பதாவது: தமிழக சட்டப்பேரவை தேர்தல் – 2026, நாளை 23-ம் தேதி அன்று வாக்குப்பதிவு நடைபெறுவதை முன்னிட்டு, ஏப்.21-ம் தேதி முதல் 26-ம் தேதி வரை மக்கள் வெளியூர் பயணம் மேற்கொள்வதைப் பயன்படுத்தி தனியார் ஆம்னி பேருந்துகள் அதிகப்படியான கட்டணம் வசூல் செய்தால், அதனைத் தடுக்க தமிழகம் முழுவதும் வட்டாரப்போக்குவரத்து அலுவலர்கள், மோட்டார் வாகன ஆய்வாளர்கள் மற்றும் போக்குவரத்து சோதனைச்சாவடி ஆய்வாளர்கள் அடங்கிய சிறப்புக்குழு அமைக்கப்பட்டு, அவ்வாறு இயங்கும் ஆம்னி பேருந்துகளை தீவிரமாக சோதனை செய்து அனுமதி ரத்து போன்று நடவடிக்கைகள் மேற்கொள்ளப்பட்டுள்ளது.
மேலும் ஆம்னி பேருந்துகளில் அதிக கட்டணம் வசூலிப்பதாக தெரியவந்தால் உரிய நடவடிக்கை மேற்கொள்ளும் பொருட்டு கைபேசி எண்கள் மூலம், வாட்ஸ் ஆப், குறுஞ்செய்தி குரல் பதிவு மூலமாக புகார் தெரிவிக்க கேட்டுக் கொள்ளப்படுகிறது.
போக்குவரத்து மற்றும் சாலை பாதுகாப்பு ஆணையரகம், சென்னை 1800 425 6151, இணைப்போக்குவரத்து ஆணையரகங்கள்- சென்னை (வடக்கு) 99442 53404, சென்னை (தெற்கு) 97905 50052, மதுரை 90953 66394, கோவை 91235 93971, துணைப் போக்குவரத்து ஆணையரகங்கள் - விழுப்புரம் 96773 98825, வேலூர் 98400 23011, சேலம் 78456 36423, ஈரோடு 80569 40040, திருச்சி 90660 32343, விருதுநகர் 90257 23800, திருநெல்வேலி 96981 18011, தஞ்சாவூர் 95850 20865 ஆகிய எண்களில் புகார் தெரிவிக்கலாம். இவ்வாறு அதில் கூறப்பட்டுள்ளது.