சென்னை: பயணிகளின் புகாரை தொடர்ந்து, நெடுந்தொலை செல்லும் 11 விரைவு ரயில்களில் தூய்மைப் பணிகளை கண்காணித்து நடவடிக்கை எடுக்க ரயில்வே கோட்ட மேலாளர்களுக்கு ரயில்வே வாரியம் உத்தரவிட்டுள்ளது.
இதுகுறித்து, தெற்கு ரயில்வே பயனாளர் ஆலோசனைக் குழு முன்னாள் உறுப்பினர் ஜாபர் அலி கூறியதாவது: திப்ரூகர் - கன்னியாகுமரி ரயில் உள்பட 11 விரைவு ரயில்களில் தூய்மைப் பணிகளை கண்காணித்து நடவடிக்கை எடுக்க கோட்ட மேலாளர்களுக்கு ரயில்வே வாரியம் உத்தரவிட்டுள்ளது.
மேற்கண்ட ரயில்களில் சுத்தமான கழிப்பறைகள், உடனுக்குடன் குப்பைகளை அகற்றுதல், தண்ணீர் வசதி போன்றவற்றை பயணம் முழுவதும் உறுதி செய்ய அறிவுறுத்தப்பட்டுள்ளது. இவ்வாறு அவர் கூறினார்.