சென்னை: தலைமைத் தேர்தல் அதிகாரி அர்ச்சனா பட்நாயக் வெளியிட்டுள்ள செய்திக்குறிப்பு: மதுராந்தகம், தாராபுரம் ஆகிய தனித் தொகுதிகளுக்கான இடைத்தேர்தல் வாக்கு எண்ணிக்கை கடந்த அக்டோபர் 9-ம் தேதி இரு மையங்களில் வெற்றிகரமாக நிறைவடைந்தது.
பின்னர் மின்னணு வாக்குப்பதிவு இயந்திரங்கள் வேட்பாளர்களின் பிரதிநிதிகள் முன்னிலையில் மூடப்பட்டு சீல்வைக்கப்பட்டன. பின்னர் அந்த இயந்திரங்கள் அனைத்தும் சிசிடிவி கேமரா மற்றும் பலத்த போலீஸ் பாதுகாப்புடன் கூடிய காப்பறையில் வைக்கப்பட்டுள்ளன.
சென்னை உயர் நீதிமன்றம் தேர்தல் வழக்குகளின் பட்டியலை இறுதி செய்யும் வரை, தேர்தல் ஆணையத்தால் வரையறுக்கப்பட்ட பாதுகாப்பு நெறிமுறைகளின்படி இந்த இயந்திரங்கள் காப்பறையிலேயே பாதுகாப்பாக வைக்கப்பட்டிருக்கும். தேர்தல் தொடர்பான வழக்கு ஏதேனும் நீதிமன்றத்தில் தாக்கல் செய்யப்பட்டால் அதற்கு தீர்வு காணப்படும் வரை இயந்திரங்கள் காப்பறையிலேயே தொடர்ந்து பாதுகாக்கப்படும். இவ்வாறு அதில் தெரிவிக்கப்பட்டுள்ளது.