தமிழகம்

கரூர் அருகே குடும்பப் பிரச்சினையில் ஒரே குடும்பத்தில் 5 பேர் கிணற்றில் குதித்து உயிரிழப்பு

செய்திப்பிரிவு

கரூர்: கரூர் அருகே குடும்​பப் பிரச்​சினை​யில் ஒரே குடும்​பத்​தைச் சேர்ந்த 5 பேர் கிணற்​றில் குதித்து தற்​கொலை செய்து கொண்​டனர்.

கரூர் மாவட்​டம் சின்னக்காளிபாளையம் பகுதி​யைச் சேர்ந்​தவர் ராமசாமி (62). விவசாயி. இவரது மனைவி ஜானகி (60). இவர்​களது மகள் சுகுணா(35). இவருக்கு, வேலாயுதம்​பாளை​யத்​தைச் சேர்ந்த பிரபு என்​பவருடன் திரு​மண​மாகி ஷிவானி(10), ஆதிரன் (4) என இரு குழந்​தைகள் உள்​ளன.

சுகுணா மற்​றும் அவரது கணவர் பிரபு இடையே குடும்​பப் பிரச்​சினை இருந்து வந்​த​தாகக் கூறப்​படு​கிறது. தீபாவளிக்கு வந்​து​விட்டு வேலாயுதம்​பாளை​யம் சென்ற சுகுணா கணவருடன் ஏற்​பட்ட கருத்து வேறு​பாட்​டால் மீண்​டும் சின்​னக்​காளிபாளை​யத்​துக்கு குழந்​தைகளு​டன் திரும்​பியுள்​ளார்.

இந்​நிலை​யில், அப்​பகுதி​யில் உள்ள ஒரு விவசாயக் கிணற்​றில் ராமசாமி குடும்​பத்​தினரின் உடல்​கள் மிதப்​ப​தாக வாங்​கல் போலீ​ஸாருக்கு தகவல் கிடைத்​தது. போலீ​ஸார் மற்​றும் கரூர் தீயணைப்பு நிலைய வீரர்​கள் அங்கு சென்று ராமசாமி, ஜானகி, சுகுணா, ஷிவானி, ஆதிரன் ஆகியோரின் உடல்​களை மீட்​டனர். இதில், 5 பேரின் கைகளும் சேலை​யால் கட்​டப்​பட்ட நிலை​யில் நீரில் மூழ்கி உயி​ரிழந்​திருந்​தது தெரிய​வந்​தது.

கடிதம்: கரூர் டிஎஸ்பி ராஜராஜன் மற்​றும் போலீ​ஸார் இந்த சம்​பவம் தொடர்​பாக விசா​ரணை மேற்​கொண்​டனர். ராமசாமி​யின் வீட்​டில் இருந்து கைப்​பற்​றப்​பட்ட ஒரு கடிதத்​தில், எங்​கள் மரணத்​துக்கு யாரும் காரணமில்லை என்​றும், யார், யாருக்கு எவ்​வளவு பணம் தரவேண்​டும் என்​றும் குறிப்​பிட்​டிருப்​ப​தாக போலீஸ் தரப்​பில் கூறப்​படு​கிறது.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT