உல​கக் கோப்பை ஸ்கு​வாஷ் போட்டி: இறு​திச் சுற்​றுக்கு இந்​திய அணி முன்​னேற்​றம்

சென்னை: உலகக் கோப்பை ஸ்கு​வாஷ் போட்டி இறு​திச் சுற்​றுக்கு இந்​திய அணி முன்​னேறி​யுள்​ளது.

எஸ்​டிஏடி உலகக் கோப்பை ஸ்கு​வாஷ் தொடர் சென்​னை​யில் நடை​பெற்று வரு​கிறது. இந்​தத் தொடரில் நேற்று அரை இறுதி ஆட்​டங்​கள் நடை​பெற்​றன. இதில் இந்​திய அணி, எகிப்து அணி​யுடன் மோதி​யது. இந்த ஆட்​டத்​தில் இந்​தியா 3-0 என்ற கணக்​கில் வெற்றி பெற்று இறு​திச் சுற்​றுக்கு முன்​னேறியது.

இந்திய வீரர் வேல​வன் செந்​தில் குமார் 7-1, 7-3, 7-6 என்ற புள்​ளி​கள் கணக்​கில் இப்​ராஹிம் எல்​காப்​னியை வென்​றார். மற்​றொரு ஆட்​டத்​தில் அனஹத் சிங் 6-7, 7-5, 7-3, 3-7, 7-3 என்ற கணக்​கில் நூர் ஹெய்​கலை தோற்​கடித்​தார். அபய் சிங் 7-5, 6-7, 7-5, 7-6 என்ற புள்​ளி​கள் கணக்​கில் ஆடம் ஹவாலைச் சாய்த்​தார்.

ஜோஷ்னா சின்​னப்​பா, நார்​டைன் கராஸ் ஆகியோரிடையி​லான ஆட்​டம் நடை​பெறவில்​லை. இதையடுத்து 3-0 என்ற கணக்​கில் இந்​தி​யா, எகிப்து அணியை வீழ்த்தி இறு​திச் சுற்​றுக்கு முன்​னேறி​யுள்​ளது. இறு​திச் சுற்​றில் இந்​தி​யா, ஹாங்​காங் அணியுடன்​ மோதவுள்​ளது.