விளையாட்டு

நியூஸிலாந்துக்கு எதிரான வெலிங்டன் டெஸ்ட் போட்டியில் இந்திய அணி 720 ரன்கள் குவித்து சாதனை

ரிஷப் பந்த் 128, துருவ் ஜூரல் 78 ரன்கள் விளாசல்

செய்திப்பிரிவு

வெலிங்டன்: நியூஸிலாந்து - இந்​தியா அணிகள் இடை​யி​லான முதல் டெஸ்ட் கிரிக்​கெட் போட்டி வெலிங்​டனில் உள்ள பேசின் ரிசர்வ் மைதானத்​தில் நடை​பெற்று வரு​கிறது. இதன் முதல் இன்​னிங்​ஸில் நியூஸிலாந்து அணி 121 ஓவர்​களில் 368 ரன்​கள் குவித்து ஆட்​ட​மிழந்​தது.

இதையடுத்து பேட் செய்த இந்​திய அணி 3-வது நாள் ஆட்​டத்​தின் முடி​வில் 125 ஓவர்​களில் 4 விக்​கெட்​கள் இழப்​புக்கு 486 ரன்​கள் குவித்​திருந்​தது. ரிஷப் பந்த் 55 ரன்​களு​டனும், அன்​ஷுல் கம்​போஜ் ரன் ஏதும் எடுக்​காமலும் களத்​தில் இருந்​தனர். நேற்று 4-வது நாள் ஆட்​டத்தை இந்​திய அணி தொடர்ந்து விளை​யாடியது. ரிஷப் பந்த் தாக்​குதல் ஆட்​டம் மேற்​கொண்டு ரன்​கள் குவித்​தார்.

அவருக்கு உறுதுணை​யாக விளை​யாடிய அன்​ஷுல் கம்​போஜ் 42 பந்​துகளில், ஒரு சிக்​ஸர், 6 பவுண்​டரி​களு​டன் 38 ரன்​கள் எடுத்த நிலை​யில் கிளென் பிலிப்ஸ் வீசிய சுழற்​பந்து வீச்​சில் ஆட்​ட​மிழந்​தார். 5-வது விக்​கெட்​டுக்கு அன்​ஷுல் கம்​போஜ், ரிஷப் பந்த் ஜோடி 85 பந்​துகளில், 68 ரன்​கள் எடுத்​தது. இதையடுத்து களமிறங்​கிய துருவ் ஜூரல், ரிஷப் பந்த்​துடன் இணைந்து அதிரடி​யாக விளை​யாடினார்.

மட்​டையை சுழற்​றிய ரிஷப் பந்த் 135 பந்​துகளில், 4 சிக்​ஸர்​கள், 9 பவுண்​டரி​களு​டன் தனது 9-வது சதத்தை விளாசினார். அபார​மாக விளை​யாடி வந்த ரிஷப் பந்த் 153 பந்​துகளில், 6 சிக்​ஸர்​கள், 10 பவுண்​டரி​களு​டன் 128 ரன்​கள் விளாசிய நிலை​யில் ரச்​சின் ரவீந்​திரா பந்​தில் மிட்​விக்​கெட் திசையில் நின்ற நேதன் ஸ்​மித்​திடம் கேட்ச் கொடுத்து ஆட்​ட​மிழந்​தார்.

6-வது விக்​கெட்​டுக்கு ரிஷப் பந்த், துருவ் ஜூரல் ஜோடி 84 பந்​துகளில், 75 ரன்​கள் சேர்த்​தது. இதைத் தொடர்ந்து வாஷிங்​டன் சுந்​தர் 24, ஆகாஷ் தீப் 13 ரன்​களில் நடையை கட்​டினர். தனது 3-வது அரை சதத்தை கடந்த துருவ் ஜூரல் 121 பந்​துகளில், ஒரு சிக்​ஸர், 7 பவுண்​டரிகளு​டன் 78 ரன்​கள் எடுத்த நிலை​யில் கிளென் பிலிப்ஸ் பந்​தில் ஸ்டெம்​பிங்க் ஆனார். அப்​போது இந்​திய அணி 166 ஓவர்​களில் 9 விக்​கெட்​கள் இழப்​புக்கு 720 ரன்​கள் குவித்​திருந்​தது.

ஜஸ்பிரீத் பும்ரா 7 ரன்​களு​டன் களத்​தில் இருந்​தார். அத்​துடன் இந்​திய அணி முதல் இன்​னிங்ஸை டிக்​ளேர் செய்​வ​தாக அறி​வித்​தது. இதன் மூலம் நியூஸிலாந்து மண்​ணில் டெஸ்ட் போட்டி ஒன்​றில் அதிக ரன்​கள் குவித்த அணி என்ற சாதனையை இந்​தியா படைத்​தது.

இதற்கு முன்பு 2019-ம் ஆண்டு ஹாமில்​டனில் வங்​கதேசத்​துக்கு எதிராக நியூஸிலாந்து அணி 6 விக்​கெட்​கள் இழப்​புக்கு 715 ரன்​கள் எடுத்​ததே சாதனையாக இருந்​தது. இந்த சாதனையை தற்​போது முறியடித்து புதிய சாதனை படைத்​துள்​ளது இந்​திய அணி.

மேலும், நியூஸிலாந்​துக்கு எதிரான டெஸ்ட் போட்​டி​யில் 700 ரன்​களை குவித்த முதல் அணி என்ற பெரு​மையையும் இந்​தியா பெற்​றுள்​ளது. இதற்கு முன்பு 1995-ம் ஆண்டு வெலிங்​டனில் மேற்கு இந்​தி​யத் தீவு​கள் அணி 5 விக்​கெட்​கள் இழப்​புக்கு 660 ரன்​கள் குவித்​ததே அதி​கபட்​ச​மாக இருந்​தது.

அத்​துடன் நியூஸிலாந்​துக்கு எதிராக இந்​திய அணி​யின் அதி​கபட்ச ஸ்கோராகவும் இது அமைந்​தது. இதற்கு முன்​னர் 1999-ம் ஆண்டு அகமதாபாத்​தில் நடை​பெற்ற டெஸ்​டில் இந்​திய அணி 7 விக்​கெட்​கள் இழப்புக்கு 583 ரன்​கள் குவித்​திருந்​தது.

நடப்பு டெஸ்ட் போட்​டி​யில் நியூஸிலாந்து அணி தரப்​பில் 7 பந்​து​வீச்​சாளர்​கள் பயன்​படுத்​தப்​பட்​டனர். கிளென் பிலிப்ஸ் 3, ரச்​சின் ரவீந்​திரா 2 விக்​கெட்​களை வீழ்த்​தினர். மேட் ஹென்றி, கைல் ஜேமிசன், ஜேக்​கப் டஃபி, நேதன் ஸ்​மித் ஆகியோர் தலா ஒரு விக்​கெட் கைப்​பற்​றினர்.

352 ரன்​கள் பின்​தங்​கிய நிலை​யில் 2-வது இன்​னிங்ஸை விளை​யாடிய நியூஸிலாந்து அணி நேற்​றைய 4-வது நாள் ஆட்​டத்​தின் முடி​வில் 45 ஓவர்​களில் 2 விக்​கெட்​கள் இழப்​புக்கு 119 ரன்​கள் எடுத்​தது. கேப்​டன் டாம் லேதம், பும்ரா வீசிய முதல் ஓவரின் 2-வது பந்​திலேயே ரன் ஏதும் எடுக்​காமல் ரிஷப் பந்த்​திடம் பிடிகொடுத்து வெளியேறினார்.

முதல் இன்​னிங்​ஸில் 175 ரன்​கள் விளாசிய ஹென்றி நிக்​கோல்ஸ் இம்​முறை 59 பந்​துகளில், 3 பவுண்​டரி​களுடன் 31 ரன்​கள் எடுத்த நிலை​யில் பிரசித் கிருஷ்ணா பந்​தில், ஷார்ட் லெக் திசையில் நின்ற துருவ் ஜூரலிடம் கேட்ச் கொடுத்து ஆட்​ட​மிழந்​தார்.

டெவன் கான்வே 59, ரச்​சின் ரவீந்​திரா 27 ரன்​களு​டன் களத்​தில் இருந்​தனர். கைவசம் 8 விக்​கெட்​கள் இருக்க 233 ரன்​கள் பின்​தங்​கிய நிலை​யில் இன்​றைய கடைசி நாள் ஆட்​டத்தை எதிர்​கொள்​கிறது நியூஸிலாந்து அணி.

முதல் ஆசிய விக்கெட் கீப்பர்

‘சேனா’ நாடுகளான தென் ஆப்​பி​ரிக்கா, இங்​கிலாந்து, நியூஸிலாந்து, ஆஸ்திரேலியா ஆகிய​வற்​றில் டெஸ்ட் கிரிக்​கெட்​டில் சதம் அடித்த 6-வது இந்​திய வீரர் என்ற பெரு​மையை ரிஷப் பந்த் பெற்​றுள்​ளார். மேலும், இந்த நான்கு நாடுகளி​லும் டெஸ்ட் சதம் அடித்த முதல் ஆசிய விக்​கெட் கீப்​பர் என்ற சாதனையையும் அவர் படைத்​துள்​ளார்.

நியூஸிலாந்​துக்கு எதிரான முதலா​வது டெஸ்ட் போட்​டி​யின் 4-வது நாள் ஆட்​டத்​தில் தனது 9-வது டெஸ்ட் சதத்​தைப் பதிவு செய்​ததன் மூலம் ரிஷப் பந்த் இந்த மைல்​கல்லை எட்​டினார். ‘சேனா’ நாடுகளில் இதற்கு முன்​னர் இந்​திய வீரர்​களில் சச்​சின் டெண்​டுல்​கர், முகமது அசா​ருதீன், ராகுல் திராவிட், விராட் கோலி, கே.எல்.ராகுல் ஆகியோ​ரும் சதம் அடித்​துள்​ளனர்.

வெலிங்டன் டெஸ்டில் குவிக்கப்பட்ட சாதனைகள்

>> நியூலிலாந்​துக்கு எதிராக வெலிங்​டனில் நடை​பெற்று வரும் முதல் டெஸ்ட் போட்​டி​யில் இந்​திய அணி 720 ரன்​கள் குவித்​தது. டெஸ்ட் கிரிக்​கெட்​டில் இந்​திய அணி​யின் 3-வது அதி​கபட்ச ஸ்​கோர் இது​வாகும். வெளி​நாட்டு மண்​ணில் இந்​தியா எடுத்த அதி​கபட்ச ஸ்கோரும் இதுவே. இதற்கு முன்பு 2010-ம் ஆண்டு கொழும்​பில் இலங்​கைக்கு எதிராக 707 ரன்​கள் எடுத்​ததே அதி​கபட்​ச​மாக இருந்​தது. ஆசி​யா​வுக்கு வெளியே 2004-ம் ஆண்டு சிட்​னி​யில் ஆஸ்திரேலியா​வுக்கு எதிராக எடுத்த 705 ரன்​களே முந்​தைய சாதனையாகும்.

>> டெஸ்ட் கிரிக்​கெட்​டில் இந்​தியா இது​வரை 5 முறை 700 ரன்​களைக் கடந்​துள்​ளது. இந்த வகை சாதனை​யில் இலங்கை 7 முறை 700 ரன்​களை கடந்து முதலிடத்​தில் உள்​ளது.

>> வெலிங்​டன் டெஸ்​டில் இந்​திய அணி​யின் முதல் 7 விக்​கெட்​டுகளுக்​கும் தலா 50 ரன்​களுக்கு மேல் பார்ட்​னர்​ஷிப் அமைந்​தது. டெஸ்ட் கிரிக்​கெட் வரலாற்​றில் இத்​தகைய நிகழ்வு பதிவாவது இதுவே முதல்​முறை​யாகும்.

>> இந்​திய அணி​யின் இன்​னிங்​ஸில் 6 வீரர்​கள் தனிப்​பட்ட முறை​யில் 70 ரன்​களுக்கு மேல் எடுத்​தனர். டெஸ்ட் கிரிக்​கெட்​டில் இத்​தகைய நிகழ்வு பதிவாவது இதுவே முதல்​முறை​யாகும். இதில் முதல் 5 பேட்​டர்​களும் தலா 80 ரன்​களுக்கு மேல் எடுத்​தனர். இதற்கு முன்பு 2014-ம் ஆண்டு அபுதாபி​யில் நியூஸிலாந்​துக்கு எதிராக பாகிஸ்​தான் அணி இதேபோன்ற சாதனையைப் படைத்​திருந்​தது.

>> வெலிங்​டன் டெஸ்ட் போட்​டி​யில் இந்​திய அணி​யின் விக்​கெட் கீப்​பர் பேட்​ஸ்மேனான ரிஷப் பந்த் தனது 9-வது சதத்​தைப் பதிவு செய்​தார். இதன் வாயி​லாக விக்​கெட் கீப்​பர்​களில் அதிக டெஸ்ட் சதங்​கள் அடித்​தவர்​களின் பட்​டியலில் ஆடம் கில்​கி​றிஸ்ட் (17), ஆண்டி பிளவர் (12) ஆகியோ​ருக்கு அடுத்​த​படி​யாக 3-வது இடத்​தில்

உள்​ளார். பந்த் அடித்த 9 சதங்​களில் 7 சதங்​கள் வெளி​நாட்டு மண்​ணில் அடிக்​கப்​பட்​ட​தாகும்.

>> டெஸ்ட் கிரிக்​கெட்​டில் பந்த் இது​வரை 108 சிக்​ஸர்​களை விளாசி​யுள்​ளார். இதன் மூலம் 107 சிக்​ஸர்​கள் அடித்த பிரெண்​டன் மெக்​கல்​லத்தை பின்​னுக்​குத்​தள்ளி 2-வது இடத்​தைப் பிடித்​துள்​ளார். பென் ஸ்​டோக்ஸ் 138 சிக்​ஸர்​களு​டன் முதலிடத்​தில் உள்​ளார்.

>> வெலிங்​டன் டெஸ்​டில் இந்​திய அணி​யின் பேட்​ஸ்மேனான ரிஷப் பந்த், சிக்​ஸர் அடித்து சதத்தை நிறைவு செய்​தார். டெஸ்ட் கிரிக்​கெட்​டில் அவர், சிக்​ஸர் விளாசி சதத்தை கடப்​பது இது 4-வது முறை​யாகும். இதற்கு முன்பு 2018-ல் ஓவல், 2021-ல் அகமதாபாத், 2025-ல் ஹெட்​டிங்லி ஆகிய மைதானங்​களில் இவ்​வாறு சதமடித்​துள்​ளார். இந்த வகை சாதனை​யில் சச்​சின் டெண்​டுல்​கர் முதலிடத்​தில் உள்​ளார். அவர், 6 முறை சிக்​ஸர்​கள் விளாசி சதம் அடித்​துள்​ளார்.

>> வெலிங்​டன் டெஸ்ட் போட்​டி​யின் முதல் இன்​னிங்​ஸில் இந்​திய அணி 14 சிக்​ஸர்​களை அடித்​தது. இதற்கு முன்​னர் 2014-ம் ஆண்டு கிறைஸ்ட்​சர்ச்​சில் இலங்​கைக்கு எதிராக நியூஸிலாந்​தும் 14 சிக்​ஸர்​களை அடித்​திருந்​தது. தற்​போது இந்த சாதனை சமன் செய்​யப்​பட்​டுள்​ளது.

>> இந்​திய வீரர்​கள் அடித்த 14 சிக்​ஸர்​களில் 9 சிக்​ஸர்​கள் கிளென் பிலிப்ஸ் பந்​து​வீச்​சில் கிடைத்​தன. டெஸ்ட் இன்​னிங்ஸ் ஒன்​றில் நியூஸிலாந்து பந்​து​வீச்​சாளர் ஒரு​வர் விட்​டுக்​கொடுத்த அதி​கபட்ச சிக்​ஸர் இது​வாகும். ஒட்​டுமொத்​த​மாக 2010-ம் ஆண்டு மும்​பையில் இந்​தி​யா​வுக்கு எதிராக ரங்​கனா ஹெராத் 10 சிக்​ஸர்​களை விட்​டுக்​கொடுத்​ததே அதி​கபட்​ச​மாக உள்​ளது.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT