போபால்: 68-வது தேசிய துப்பாக்கி சுடுதல் சாம்பியன்ஷிப் டெல்லியில் போபாலில் நடைபெற்று வருகிறது. இதில் ஆடவருக்கான 10 மீட்டர் ஏர் ரைபிள் பிரிவு இறுதிப் போட்டியில் கிரண் அங்குஷ் ஜாதவ் 252.1 புள்ளிகளை குவித்து தங்கப் பதக்கம் வென்றார். ஒலிம்பியனான அர்ஜூன் பபுதா 251.4 புள்ளிகளுடன் வெள்ளிப் பதக்கமும், ஜஸ்வரி பிரதாப் சிங் தோமர் 229.8 புள்ளிகளுடன் வெண்கலப் பதக்கமும் கைப்பற்றினர்.
ஆடவருக்கான ஜூனியர் 10 மீட்டர் ஏர் ரைபிள் பிரிவில் குஜராத்தை சேர்ந்த முகமது முர்தஸா வானியா 254.3 புள்ளிளை குவித்து தங்கப் பதக்கம் வென்றார். மேற்கு வங்கத்தைச் சேர்ந்த அபினவ் ஷா 251.6 புள்ளிகளுடன் 2-வது இடம் பிடித்து வெள்ளிப் பதக்கமும், ஓங்கர் விகாஸ் வாகமரே 230.1 புள்ளிகளுடன் 3-வது இடம் பிடித்து வெண்கலப் பதக்கமும் கைப்பற்றினர்.