சென்னை: ஐபிஎல் 2026-ம் ஆண்டு சீசனுக்கான மினி வீரர்கள் இன்று (16-ம் தேதி) பிற்பகல் 2.30 மணிக்கு அபுதாபியில் நடைபெறுகிறது. ஏலப்பட்டியலில் 359 வீரர்கள் இடம் பெற்றுள்னனர். இதில் இருந்து 31 வெளிநாட்டு வீரர்கள் உட்பட மொத்தம் 77 வீரர்கள் ஏலம் எடுக்கப்பட உள்ளனர்.
இதற்காக 10 அணிகளும் கூட்டாக ரூ.237.55 கோடியை செலவிட உள்ளன. இந்த ஏலத்தை ஸ்டார்ஸ்போர்ட்ஸ் சானல் மற்றும் ஜியோஸ்டார் செயலி நேரடியாக ஒளிபரப்பு செய்கிறது. ஒவ்வொரு அணியும் கையிருப்பு வைத்துள்ள தொகை, அந்த அணிகளுக்கு எத்தனை வீரர்கள் தேவை, எந்த மாதிரியான வீரர்களை ஏலம் எடுக்கக்கூடும் என்பது குறித்த தகவல்களை விரிவாக காணலாம்.
டெல்லி கேபிடல்ஸ் - தக்கவைக்கப்பட்டுள்ள வீரர்கள்: நிதிஷ் ராணா, அபிஷேக் போரல், அஜய் மண்டல், அசுதோஷ் சர்மா, அக்சர் படேல், துஷ்மந்தா சமீரா, கருண் நாயர், கே.எல்.ராகுல், குல்தீப் யாதவ், மாதவ் திவாரி, மிட்செல் ஸ்டார்க், சமீர் ரிஸ்வி, நடராஜன், திரிபுரானா விஜய், டிரிஸ்டன் ஸ்டப்ஸ், விப்ராஜ் குமார் நிகம், முகேஷ் குமார்.
அணியின் தேவை: டெல்லி அணி 17 பேரை தக்கவைத்துள்ளது. விளையாடும் லெவனை இதில் இருந்து அந்த அணி தேர்வு செய்யலாம். எனினும் அணியை வலுப்படுத்தும் வகையில் தொடக்க பேட்ஸ்மேன் நடுவரிசை வீரர், வேகப்பந்து வீச்சாளர் ஆகியோரை குறிவைக்கக்கூடும். கடந்த முறை டெல்லி அணி தொடக்க ஜோடியை 7 முறை மாற்றியது.
குறிவைக்கப்பட வாய்ப்புள்ள வீரர்கள்: குயிண்டன் டி காக், பதும் நிசங்கா, ஜேமி ஸ்மித், ஜானி பேர்ஸ்டோ, மதீஷா பதிரனா, மேட் ஹென்றி, முஸ்டாபிஸுர் ரஹ்மான்.
கையிருப்பு தொகை: ரூ.21.80 கோடி
தேவையான வீரர்கள்: 8
இந்திய வீரர்கள்: 3
வெளிநாட்டு வீரர்கள்: 5
மும்பை இந்தியன்ஸ் - தக்கவைக்கப்பட்டுள்ள வீரர்கள்: ஹர்திக் பாண்டியா, ரோஹித் சர்மா, சூர்யகுமர் யாதவ், ரியான் ரிக்கெல்டன், திலக் வர்மா, டிரெண்ட் போல்ட், ஷர்துல் தாக்குர், ஷெர்பேன் ரூதர்ஃபோர்டு, மயங்க் மார்கண்டே, ஏ.எம்.கசன்ஃபர், அஷ்வனி குமார், கார்பின் போஷ், தீபக் சாஹர், ஜஸ்பிரீத் பும்ரா, மிட்செல் சான்ட்னர், நமன் திர், ரகு ஷர்மா, ராஜ் பவா, ராபின் மின்ஸ், வில் ஜாக்ஸ்.
அணியின் தேவை: மும்பை இந்தியன்ஸ் அணி அடிப்படை தேவைகள் அனைத்தையும் கொண்டுள்ளது. அந்த அணியின் கைவசம் ரூ.2.75 கோடி மட்டு உள்ளது. மேலும் 5 இடங்கள் மட்டுமே நிரப்பப்பட வேண்டியது உள்ளது. ரியான் ரிக்கெல்டனுக்கு மாற்று வீரர் மற்றும் நடுவரிசையில் சிறப்பாக பேட்டிங் செய்யக்கூடிய உள்நாட்டு வீரரை குறிவைக்கக்கூடும்.
குறிவைக்கப்பட வாய்ப்புள்ள வீரர்கள்: ஜானி பேர்ஸ்டோ, குஷால் மெண்டிஸ், ஜேமி ஸ்மித், டிம் ஷெய்பர்ட்.
கையிருப்பு தொகை: ரூ.2.75 கோடி
தேவையான வீரர்கள்: 5
இந்திய வீரர்கள்: 4
வெளிநாட்டு வீரர்: 1
ராயல் சாலஞ்சர்ஸ் பெங்களூரு - தக்கவைக்கப்பட்டுள்ள வீரர்கள்: விராட் கோலி, ரஜத் பட்டிதார், பில் சால்ட், தேவ்தத் படிக்கல், டிம் டேவிட், கிருணல் பாண்டியா, ரோமாரியோ ஷெப்பர்டு, ஜிதேஷ் சர்மா, புவனேஷ்வர் குமார், யாஷ் தயாள், ஜோஷ் ஹேசில்வுட், சுயாஷ் சர்மா, அபிநந்தன் சிங், ஜேக்கப் பெத்தேல், நூவன் துஷாரா, ரஷிக் தார், ஸ்வப்னில் சிங்.
அணியின் தேவை: பெங்களூரு அணி நன்கு செட்டிலானதாக உள்ளது. இதனால் அணியின் பெஞ்ச் வலிமையை அதிகப்படுத்திக் கொள்வதில் தீவிரம் காட்டக்கூடும். ஜோஷ் ஹேசில்வுட், யாஷ் தயாள் ஆகியோர் காயமடைந்துள்ளனர். இதனால் பிரதான வேகப்பந்து வீச்சாளர் மற்றும் நடுவரிசையில் சிறப்பாக செயல்படக்கூடிய இந்திய பேட்ஸ்மேன்களை குறிவைக்கக்கூடும்.
குறிவைக்கப்பட வாய்ப்புள்ள வீரர்கள்: லுங்கி நிகிடி, அல்ஸாரி ஜோசப், தஸ்கின் அகமது, ஸ்பென்சர் ஜான்சன், சர்ஃபராஸ் கான், தீபக் ஹூடா.
கையிருப்பு தொகை: ரூ.16.40 கோடி
தேவையான வீரர்கள்: 8
இந்திய வீரர்கள்: 6
வெளிநாட்டு வீரர்கள்: 2
கொல்கத்தா நைட் ரைடர்ஸ் - தக்கவைக்கப்பட்டுள்ள வீரர்கள்: அஜிங்க்ய ரஹானே, அங்கிரிஷ் ரகுவன்ஷி, அனுகுல் ராய், ஹர்ஷித் ராணா, மணீஷ் பாண்டே, ரமன்தீப் சிங், சிங்கு சிங், ரோவ்மன் பவல், சுனில் நரைன், உம்ரன் மாலிக், வைபவ் அரோரா, வருண் சக்ரவர்த்தி.
அணியின் தேவை: ஆந்த்ரே ரஸ்ஸல் ஓய்வு பெற்றுவிட்டதால் அவரது இடத்தை நிரப்பும் வகையில் ஆல்ரவுண்டரை தேடக்கூடும். மேலும் விக்கெட் கீப்பர் பேட்ஸ்மேன், வெளிநாட்டு வேகப்பந்து வீச்சாளர் மீதும் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: கேமரூன் கிரீன், வெங்கடேஷ் ஐயர், பிரித்வி ஷா, சர்ஃபராஸ் கான், குயிண்டன் டி காக், ஜேமி ஸ்மித், ஜானி பேர்ஸ்டோ, கார்திக் சர்மா, மதீஷா பதிரனா, மேட் ஹென்றி, துஷார் ரஹேஜா.
கையிருப்பு தொகை: ரூ.64.30 கோடி
தேவையான வீரர்கள்: 13
இந்திய வீரர்கள்: 7
வெளிநாட்டு வீரர்கள்: 6
சன் ரைசர்ஸ் ஹைதராபாத் - தக்கவைக்கப்பட்டுள்ள வீரர்கள்: பாட் கம்மின்ஸ், டிராவிஸ் ஹெட், அபிஷேக் சர்மா, அனிகெத் வர்மா, பிரைடன் கார்ஸ், இஷான் மலிங்கா, ஹர்ஷ் துபே, ஹர்ஷால் படேல், ஹென்ரிச் கிளாசன், இஷான் கிஷன், ஜெயதேவ் உனத்கட், கமிந்து மெண்டிஸ், நிதிஷ் குமார் ரெட்டி, சமரன், ஜீஷன் அன்சாரி.
அணியின் தேவை: சன் ரைசர்ஸ் ஹைதராபாத் அணி 2025-ம் ஆண்டு சீசனில் பவர்பிளேவில் அதிக ரன்களை விட்டுக்கொடுத்து இருந்தது. மேலும் மொகமது ஷமியை விடுவித்துள்ளதால் தொடக்க ஓவர்களை வீசுவதற்கு வலுவான வேகப்பந்து வீச்சாளரை தேடக்கூடும். இதேபோன்று உள்நாட்டு கிரிக்கெட்டில் சிறந்து விளங்கும் இளம் பேட்ஸ்மேன்கள், பிரதான சுழற்பந்து வீச்சாளரை ஏலம் எடுப்பதிலும் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: ஆக்கிப் நபி, ஆகாஷ் தீப், அசோக் ஷர்மா, சர்ஃபராஸ் கான், தீபக் ஹூடா, மஹிபால் லோம்ரோர், கார்த்திக் ஷர்மா.
கையிருப்பு தொகை: ரூ.25.50 கோடி
தேவையான வீரர்கள்: 10
இந்திய வீரர்கள்: 8
வெளிநாட்டு வீரர்கள்: 2
பஞ்சாப் கிங்ஸ் - தக்கவைக்கப்பட்டுள்ள வீரர்கள்: ஸ்ரேயஸ் ஐயர், அர்ஷ்தீப் சிங், அஸ்மத்துல்லா ஓமர்ஸாய், ஹர்னூர் பன்னு, ஹர்பிரீத் ப்ரார், லாக்கி பெர்குசன், மார்கோ யான்சன், மார்கஸ் ஸ்டாய்னிஸ், மிட்ச் ஓவன், முஷீர் கான், நேஹால் வதேரா, பிரப்சிம்ரன் சிங், பிரியன்ஷ் ஆர்யா, பைலா அவினாஷ், ஷஷாங்க் சிங், சூர்யன்ஷ் ஷெட்ஜ், விஷ்ணு வினோத், வைஷாக் விஜய்குமார், சேவியர் பார்ட்லெட், யாஷ் தாக்குர், யுவேந்திர சாஹல்.
அணியின் தேவை: பஞ்சாப் அணிதான் அதிக வீரர்களை தக்கவைத்துள்ளது. அந்த அணியில் 4 வீரர்களே நிரப்பப்பட வேண்டியது உள்ளது. பிரதான வேகப்பந்து வீச்சாளர் மற்றும் சுழற்பந்து வீச்சாளரை ஏலம் எடுப்பதில் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: ஷாய் ஹோப், ஜானி பேர்ஸ்டோ, மேட் ஹென்றி, அன்ரிச் நோர்க்கியா, ராகுல் சாஹர், ரவி பிஷ்னோய், விக்னேஷ் புத்தூர்.
கையிருப்பு தொகை: ரூ.11.50 கோடி
தேவையான வீரர்கள்: 4
இந்திய வீரர்கள்: 2
வெளிநாட்டு வீரர்கள்: 2
ராஜஸ்தான் ராயல்ஸ் - தக்கவைக்கப்பட்டுள்ள வீரர்கள்: வைபவ் சூர்யவன்ஷி, யஷஸ்வி ஜெய்ஸ்வால், டோனோவன் பெரேரா, ரவீந்திர ஜடேஜா, சாம் கரன், துருவ் ஜூரல், ஜோஃப்ரா ஆர்ச்சர், க்வேனா மபாகா, லுவான்-ட்ரே பிரிட்டோரியஸ், நந்த்ரே பர்கர், ரியான் பராக், சந்தீப் சர்மா, ஷிம்ரன் ஹெட்மயர், ஷுபம் துபே, துஷார் தேஷ்பாண்டே, யுத்வீர் சிங்.
அணியின் தேவை: ராஜஸ்தான் அணி டிரேடிங்கில் ரவீந்திர ஜடேஜா, சேம் கரண், டோனோவன் பெரேரா ஆகியோரை வாங்கி உள்ளது. நிரப்பப்பட வேண்டிய 9 பேரில் 8 பேர் உள்நாட்டு வீரர்கள். சஞ்சு சாம்சன் இல்லாததால் மாற்று விக்கெட் கீப்பர் பேட்ஸ்மேன், சுழற்பந்து வீச்சாளர்கள் ஆகியோரை ஏலம் எடுப்பதில் முனைப்பு காட்டக்கூடும்.
குறிவைக்கப்பட வாய்ப்புள்ள வீரர்கள்: ரவி பிஷ்னோய், ராகுல் சாஹர், விக்னேஷ் புத்தூர், யாஷ் ராஜ் புஞ்ஜா, சர்ஃபராஸ் கான், கார்த்திக் சர்மா, துஷார் ரஹேஜா, சல்மான் நிஸார்.
கையிருப்பு தொகை: ரூ.16.05 கோடி
தேவையான வீரர்கள்: 9
இந்திய வீரர்கள்: 8
வெளிநாட்டு வீரர்கள்: 1
குஜராத் டைட்டன்ஸ் - தக்கவைக்கப்பட்டுள்ள வீரர்கள்: ஷுப்மன் கில், சாய் சுதர்சன், அனுஜ் ராவத், கிளென் பிலிப்ஸ், குர்னூர் ப்ரார், இஷாந்த் ஷர்மா, ஜெயந்த் யாதவ், ஜாஸ் பட்லர், காகிசோ ரபாடா, குமார் குஷாக்ரா, மானவ் சுதர், முகமது சிராஜ், அர்ஷத் கான், நிஷாந்த் சிந்து, பிரசித் கிருஷ்ணா, சாய் கிஷோர், ராகுல் டெவாட்டியா, ரஷித் கான், ஷாருக் கான், வாஷிங்டன் சுந்தர்.
அணியின் தேவை: குஜராத் டைட்டன்ஸ் சிறப்பான வகையில் செட்டிலான அணியாக திகழ்கிறது. நிரப்பப்பட வேண்டிய 5 இடங்களில் 4 பேர் வெளிநாட்டு வீரர்கள். நடுவரிசை பேட்ஸ்மேன்கள், விக்கெட் கீப்பர் பேட்ஸ்மேன்களை ஏலம் எடுப்பதில் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: டேவிட் மில்லர், லியாம் லிவிங்ஸ்டன், குஷால் மெண்டிஸ், ஜானி பேர்ஸ்டோ, மேட் ஹென்றி, அன்ரிச் நோர்க்கியா, ஜேக்கப் டஃபி, ஆடம் மில்னே.
கையிருப்பு தொகை: ரூ. 12.90 கோடி
தேவையான வீரர்கள்: 5
இந்திய வீரர்கள்: 1
வெளிநாட்டு வீரர்கள்: 4
லக்னோ சூப்பர் ஜெயண்ட்ஸ் - தக்கவைக்கப்பட்டுள்ள வீரர்கள்: ரிஷப் பந்த், அப்துல் சமத், எய்டன் மார்க்ரம், மிட்செல் மார்ஷ், நிக்கோலஸ் பூரன், ஆகாஷ் சிங், அர்ஜுன் டெண்டுல்கர், அர்ஷின் குல்கர்னி, அவேஷ் கான், ஆயுஷ் பதோனி, திக்வேஷ் ராதி, ஹிம்மத் சிங், மணிமாறன் சித்தார்த், மேத்யூ ப்ரீட்ஸ்கே, மயங்க் யாதவ், மொகமது ஷமி, மொஹ்சின் கான், பிரின்ஸ் யாதவ், ஷாபாஸ் அகமது.
அணியின் தேவை: லக்னோ சூப்பர் ஜெயண்ட்ஸ் அணி மொகது ஷமி, அர்ஜுன் டெண்டுல்கர் ஆகியோரை டிரேடிங்கில் வாங்கி உள்ளது. நிரப்பப்பட வேண்டிய 6 இடங்களில் 4 வெளிநாட்டு வீரர்கள் உள்ளனர். நடுவரிசை பேட்ஸ்மேன்கள், ஆல்ரவுண்டர் ஆகியோரை ஏலம் எடுப்பதில் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: ஜேசன் ஹோல்டர், பிரசாந்த் வீர், சல்மான் நிஸார், ஷன்னி சாந்து, விக்னேஷ் புத்தூர், அல்சாரி ஜோசப், அன்ரிச் நோர்க்கியா, தீபக் ஹூடா, வியான் முல்டர், அபினவ் மனோகர்.
கையிருப்பு தொகை: ரூ.22.95 கோடி
தேவையான வீரர்கள்: 6
இந்திய வீரர்கள்: 2
வெளிநாட்டு வீரர்கள்: 4
சென்னை சூப்பர் கிங்ஸ் - தக்கவைக்கப்பட்டுள்ள வீரர்கள்: எம்எஸ் தோனி, ருதுராஜ் கெய்க்வாட், சஞ்சு சாம்சன், ஆயுஷ் மாத்ரே, டெவால்ட் பிரேவிஸ், ஷிவம் துபே, உர்வில் படேல், நூர் அகமது, நேதன் எல்லிஸ், ஷ்ரேயாஸ் கோபால், கலீல் அகமது, ராமகிருஷ்ண கோஷ், முகேஷ் சவுத்ரி, ஜேமி ஓவர்டன், குர்ஜப்னீத் சிங், அன்ஷுல் கம்போஜ்.
அணியின் தேவை: ஆல்ரவுண்டர்களான ரவீந்திர ஜடேஜா, சேம் கரண் ஆகியோரை ராஜஸ்தான் ராயல்ஸ் அணிக்கு டிரேடிங் செய்து அதற்கு பதிலாக சஞ்சு சாம்சனை வாங்கி உள்ளது சிஎஸ்கே அணி. இதனால் மினி ஏலத்தில் நடுவரிசையில் பேட்டிங் செய்யக்கூடிய வகையில் சுழற்பந்து வீச்சு ஆல்ரவுண்டர், வேகப்பந்து வீச்சு ஆல்ரவுண்டரை குறிவைக்கக்கூடும். மேலும் அஸ்வின் ஓய்வு பெற்றுவிட்டதால் பிரதான சுழற்பந்து வீச்சாளரை வாங்குவதிலும், இறுதிக்கட்ட ஓவர்களில் வலுவாக செயல்படக்கூடிய வேகப்பந்து வீச்சாளரை வாங்குவதிலும் கவனம் செலுத்தக்கூடும்.
குறிவைக்கப்பட வாய்ப்புள்ள வீரர்கள்: கேமரூன் கிரீன், வெங்கடேஷ் ஐயர், லியாம் லிவிங்ஸ்டன், ஜேசன் ஹோல்டர், மைக்கேல் பிரேஸ்வெல், பிரசாத் வீர், ஷன்னி சாந்து, முஸ்டாபிஸுர் ரஹ்மான்.
கையிருப்பு தொகை: ரூ.43.40 கோடி
தேவையான வீரர்கள்: 9
இந்திய வீரர்கள்: 5
வெளிநாட்டு வீரர்கள்: 4