மோனாக்கோ: மோனாக்கோவில் டைமண்ட் லீக் தடகள போட்டி நடைபெற்று வருகிறது. இதில் ஆடவருக்கான உயரம் தாண்டுதலில் இந்தியாவின் சர்வேஷ் குஷாரே 2.26 மீட்டர் உயரம் தாண்டி 3-வது இடம் பிடித்தார். டைமண்ட் லீக் தொடரில் உயரம் தாண்டுதலில் இந்திய வீரர் ஒருவர் பதக்க மேடைடைய அலங்கரிப்பது இதுவே முதன்முறையாகும்.
ஈட்டி எறிதல் நட்சத்திரம் நீரஜ் சோப்ரா (2022-ம் ஆண்டு முதல் 13 முறை), நீளம் தாண்டுதல் வீரர் முரளி சங்கர் (2023-ல் ஒரு முறை) மற்றும் முன்னாள் வட்டு எறிதல் வீரர் விகாஸ் கவுடா (2015-ல் இரண்டு முறை) ஆகியோருக்குப் பிறகு டைமண்ட் லீக் தொடரை முதல் மூன்று இடங்களுக்குள் முடித்த 4-வது இந்தியர் என்ற பெருமையை சர்வேஷ் குஷாரே பெற்றார்.
உக்ரைனின் ஒலே டொரோஷ்சுக் 2.32 மீட்டர் உயரத்தைத் தாண்டி பட்டத்தை வென்றார். கிரேட் பிரிட்டனின் ஜாக் கிமானி 2.30 மீட்டர் உயரத்தைத் தாண்டி இரண்டாம் இடத்தைப் பிடித்தார்.