லண்டன்: 2027-ம் ஆண்டுக்கான ஆடவர் ஆஷஸ் டெஸ்ட் கிரிக்கெட் தொடருக்கான அட்டவணையை இங்கிலாந்து கிரிக்கெட் வாரியம் நேற்று வெளியிட்டது. இதன்படி முதல் போட்டியில் இங்கிலாந்து - ஆஸ்திரேலியா அணிகள் 2027-ம் ஆண்டு ஜூன் 18 முதல் 22 வரை நாட்டிங்காமில் உள்ள டிரெண்ட் பிரிட்ஜ் மைதானத்தில் மோதுகின்றன.
2-வது டெஸ்ட் ஜூன் 30 முதல் ஜூலை 4 வரை லார்ட்ஸ் மைதானத்திலும், 3-வது டெஸ்ட் பர்மிங்காமில் உள்ள எட்ஜ்பாஸ்டன் மைதானத்தில் ஜூலை 8 முதல் 12 வரையும், 4-வது டெஸ்ட் ஜூலை 21 முதல் 25 வரை சவுத்தாம்டனிலும், கடைசி மற்றும் 5-வது டெஸ்ட் ஜூலை 29 முதல் ஆகஸ்ட் 2 வரை தி ஓவல் மைதானத்திலும் நடைபெறுகிறது.