அபிஷேக் சர்மா
துபாய்: சர்வதேச டி20 கிரிக்கெட் பேட்ஸ்மேன்களுக்கான தரவரிசை பட்டியலை ஐசிசி வெளியிட்டுள்ளது. இதில் இந்திய அணியின் தொடக்க பேட்ஸ்மேனான அபிஷேக் சர்மா மீண்டும் முதலிடத்தைப் பிடித்துள்ளார்.
நியூஸிலாந்துக்கு எதிராக வெலிங்டனில் நடைபெற்ற 3-வது டி20 போட்டியில் அபிஷேக் சர்மா 38 பந்துகளில் 113 ரன்கள் விளாசியிருந்தார். இந்த அதிரடி சதத்தின் மூலம், சக வீரரான இஷான் கிஷனை பின்னுக்குத் தள்ளி 897 புள்ளிகளுடன் அபிஷேக் சர்மா முதலிடத்துக்கு முன்னேறினார்.
பாகிஸ்தான் வீரர் சாஹிப்சாதா ஃபர்ஹான் 883 புள்ளிகளுடன் 2-வது இடத்திலும், இஷான் கிஷன் 866 புள்ளிகளுடன் 3-வது இடத்திலும் உள்ளனர்.
இந்திய டி20 அணியின் கேப்டன் ஸ்ரேயஸ் ஐயர் 5 இடங்கள் சரிந்து 758 புள்ளிகளுடன் 9-வது இடத்தைப் பிடித்துள்ளார்.