பிரபல இந்தி நடிகையான பிரியங்கா சோப்ரா, ஹாலிவுட் படங்களில் நடித்து வருகிறார். அவர் நடித்துள்ள ஆக் ஷன் த்ரில்லர் படமான ‘த பிளஃப்’ பிப்ரவரியில் வெளியாக இருக்கிறது. இதில் அவர் ஆக் ஷன் காட்சிகளிலும் நடித்துள்ளார். அடுத்து, ராஜமவுலி இயக்கும் ‘வாரணாசி’ படத்தில் மகேஷ் பாபு ஜோடியாக நடித்து வருகிறார்.
இந்நிலையில் அவர் ஹாலிவுட் தொடரில் வில்லியாக நடிக்க இருப்பதாகச் செய்திகள் வெளியாகியுள்ளன. டிஸ்னி பிளஸ் நிறுவனம் ‘பவர் ரேஞ்சர்ஸ்’ தொடரின் அடுத்த சீசனை உருவாக்கி வருகிறது. இதில் ரீட்டா ரெபல்சா என்கிற நெகட்டிவ் கதாபாத்திரத்துக்குப் பிரியங்கா சோப்ராவைத் தேர்வு செய்துள்ளதாகக் கூறப்படுகிறது.
இதுகுறித்த அதிகாரப்பூர்வ அறிவிப்பு வெளியாகவில்லை என்றாலும் பிரியங்கா சோப்ரா அதில் நடிக்க வாய்ப்பிருப்பதாக ஹாலிவுட்டில் தகவல்கள் வெளியாகியுள்ளன. இவர், ஏற்கெனவே, 2017-ல் வெளியான ‘பேவாட்ச்’ என்ற தொடரில் விக்டோரியா லீட்ஸ் என்ற வில்லி கதாபாத்திரத்தில் நடித்திருந்தார்.