அசோக் நடிப்பில் வெளியான ‘அன்பில் அவன்’ படம் நவம்பர் 20 அன்று ஓடிடியில் வெளியாகிறது.
ஆர்.கார்த்திகேயன் இயக்கத்தில் அசோக் செல்வன் நடிப்பில் வெள்ளி வந்த படம் ‘அன்பில் அவன்’. இந்தப் படத்தில் அவருடன் ப்ரீத்தி முகுந்தன், சபு மோன், அப்துல் சம்த், கதிர் பாலு, மஹா டெல்லி கணேஷ் உள்ளிட்டோர் நடித்துள்ளனர். இந்தப் படத்துக்கு கவுதம் ராஜேந்திரன் இசையமைத்து உள்ளார்.
ஐங்கரன் இன்டர்நேஷனல் மற்றும் ஹேப்பி ஹை பிக்சர்ஸ் சார்பில் கே.கருணாமூர்த்தி, அசோக் செல்வன், அபிநயா செல்வம் ஆகியோர் இணைந்து தயாரித்திருந்த இப்படம் செப்டம்பர் 25 அன்று திரையரங்குகளில் வெளியானது.
இந்நிலையில், நவம்பர் 20 அன்று சோனி லைவ் ஓடிடி தளத்தில் ‘அன்பில் அவன்’ வெளியாக இருக்கிறது. இந்தத் தகவலை சோனி லைவ் தமிழ் அதன் சமூக வலைதள பக்கத்தில் பகிர்ந்துள்ளது. இந்தப் படம் தமிழ் தவிர தெலுங்கு, மலையாளம், கன்னடம், இந்தி ஆகிய மொழிகளிலும் காண கிடைக்கும் எனத் தெரிவிக்கப்பட்டுள்ளது.