கேரளத்தில் பணியாற்றும் பள்ளிக்கு விளையாட்டு மைதானம் கட்டிக் கொடுத்த ஆசிரியை

திருவனந்தபுரம்: கேரளாவின் திருச்​சூர் மாவட்​டம் மேற்கு கோரட்டி கிராமத்தில் செயல்​படும் அரசு உதவி பெறும் தனியார் தொடக்​கப்​பள்​ளி​யில் கடந்த 26 ஆண்​டுகளாக ஆசி​ரியராகப் பணி​யாற்றி வரு​கிறார் வனஜா. இம்​மாத இறுதி​யில் அவர் ஓய்வு பெற உள்​ளார்.

அந்தப் பள்​ளி​யின் மைதானம் மிகவும் மோச​மான நிலையில் இருந்​தது. இதனால் தனது ஓய்வு நாள் பரிசாக மைதானத்தை புதிதாக கட்​டிக் கொடுக்க வனஜா முடிவு செய்​தார்.

இதற்​காக தனது சேமிப்பு தொகை​யில் இருந்து ரூ.5 லட்​சத்தை அவர் தானமாக வழங்​கினார். முன்​னாள் மாணவர் ஒரு​வர் குறைந்த செல​வில் மைதானத்தை சீரமைத்​துக் கொடுத்​துள்​ளார்.

இது​குறித்து ஆசி​ரியை வனஜா கூறும்​போது, “இந்த தொடக்​கப் பள்​ளிதான் எனது உல​கம். விரைவில் ஓய்வு பெறப் போகிறேன். எனது நினைவாக மாணவ, மாணவியருக்​கும், பள்​ளிக்​கும் ஏதாவது செய்ய வேண்​டும் என்று விரும்​பினேன். இதற்கு எனது குடும்​பமும் முழு ஆதரவு அளித்​தது” என்​றார்.