இந்தியா

குஜராத் பூங்காவில் சிங்கத்தை பைக்குகளில் விரட்டிய ஊழியர்கள்: இணையத்தில் வீடியோ வைரலானதைத் தொடர்ந்து வனத்துறை விளக்கம்

செய்திப்பிரிவு

அகமதாபாத்: குஜராத்​தின் அம்​பர்டி சஃபாரி பூங்​கா​வில் சிங்கத்தை வனத்துறை ஊழியர்கள் பைக்​கு​களி​லும் எஸ்யூவி வாக​னத்​திலும் விரட்​டிச் சென்ற வீடியோ வைரலானது. இதையடுத்து, சிங்​கத்​தைத் துன்​புறுத்​த​வில்லை என்​றும், அதன் கூண்​டுப் பகுதிக்கு வழிநடத்​தவே முயன்​றதாகவும் வனத்​துறை விளக்​கம் அளித்​துள்​ளது.

தீபாவளி விடு​முறையை யொட்டி அம்​பர்டி சஃபாரி பூங்​கா​வுக்கு அதிக எண்​ணிக்​கை​யில் சுற்​றுலாப் பயணிகள் வந்​திருந்​தனர். மாலை​யில் சிங்​கங்​கள் தங்​கள் கூண்​டுப் பகுதிக்​குத் திரும்ப வேண்​டும். ஆனால், ஒரு சிங்​கம் கூண்டை நோக்​கிச் செல்​லாமல் வேறு திசையில் நகரத் தொடங்​கியது. அதைத் தடுத்து, மீண்​டும் கூண்​டுப் பகுதிக்கு வழிநடத்த ஊழியர்​கள் தலை​யிட்​டனர். அப்போது எடுக்கப்பட்ட காணொளி இணையத்தில் வைரலானது.

அதில் மூன்று வனத்​துறை ஊழியர்​கள் பைக்​கு​களில் சிங்​கத்​தின் அருகே செல்​வதும், அதனைப் பின்​தொடர்ந்து ஒரு எஸ்யூவி வாகனம் வரு​வதும் தெரி​கிறது. இச்சம்பவத்திற்கு வன உயிரின ஆர்வலர்கள் எதிர்ப்பு தெரிவித்துள்ளனர். சிங்​கத்தை ஏன் இவ்வாறு விரட்ட வேண்​டும் என்று பலர் கேள்வி எழுப்பி உள்​ளனர். சஃபாரி பூங்​கா​வுக்​குள் தனியார் வாக​னங்​கள் எப்படி அனுமதிக்கப்பட்டன என்ற கேள்வியும் எழுந்துள்ளது. இச்சம்​பவம் தொடர்​பாக சம்​பந்​தப்​பட்ட ஊழியர்​களுக்கு விளக்​கம் கோரும் நோட்​டீஸ் அனுப்​பப்​பட்​டுள்​ளது.

இதனிடையே, ஊழியர்​கள் சிங்​கத்​தைத் துன்​புறுத்த முயல​வில்லை என்​றும், அதன் கூண்​டுப் பகுதிக்கு (கிராள்) வழிநடத்​தவே முயன்​றதாகவும் கிர் கிழக்கு வனத்​துறை​யின் உதவி வனப் பாதுகாவலர் அமித் வானியா தெரி​வித்​தார். சிங்​கம் துன்புறுத்தப்பட்டதற்​கான அறிகுறி எது​வும் இல்லை. இருப்​பினும், சம்​பவம் நடந்த சூழ்​நிலை, சிங்​கத்தை கூண்டை நோக்கி வழிநடத்திய முறை ஆகியவை குறித்து விசா​ரணை​ நடத்தப்​படும் என்றும் அவர் தெரிவித்துள்ளார்.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT